Top News

■ အာဆင်နယ်သို့ ပြောင်းရွှေ့ခဲ့ခြင်းမှာ အကောင်းဆုံးဆုံးဖြတ်ချက်ဟု ဟာဗက်ဇ် ဆို

24htopnews | December 6, 2024 10:12 PM CST

အာဆင်နယ်အသင်း၏ ဂျာမန်တိုက်စစ်ကစားသမား ဟာဗက်ဇ်က ချယ်လ်ဆီးမှ အာဆင်နယ်သို့ ပြောင်းရွှေ့ခဲ့ခြင်းမှာ ကစားသမားဘဝတွင် အကောင်းဆုံးဆုံးဖြတ်ချက်တစ်ခုဖြစ်သည်ဟု ပြောကြားခဲ့သည်။

ဟာဗက်ဇ်သည် ၂၀၂၃ နွေရာသီတွင် ချယ်လ်ဆီးအသင်းမှာ အာဆင်နယ်အသင်းထံသို့ ပေါင် (၆၅) သန်းဖြင့် ပြောင်းရွှေ့ခဲ့ခြင်းဖြစ်သည်။

၎င်းသည် လက်ရှိအချိန်တွင် အာဆင်နယ်အသင်း၏ အမာခံကစားသမားတစ်ဦးအဖြစ် ရပ်တည်လျက်ရှိသည်။

ထို့ကြောင့် ၎င်းက "အာဆင်နယ်အသင်းကို ပြောင်းရွှေ့ခဲ့တာက ကျွန်တော် အကောင်းဆုံး ဆုံးဖြတ်ချက် ချမှတ်နိုင်ခဲ့တာပါ။ အားလုံးက ကျွန်တော့်ကို ၀ိုင်းဝန်းကူညီခဲ့ကြပြီး ကျွန်တော် အရမ်းပျော်ရွှင်ရပါတယ်"ဟု ပြောကြားခဲ့သည်။

အသက် (၂၅) နှစ်အရွယ်ရှိ ဟာဗက်ဇ်သည် ယခုရာသီတွင် အာဆင်နယ်အသင်းအတွက် ပြိုင်ပွဲစုံ ပွဲ (၂၀) တွင် (၉) ဂိုး သွင်းယူထားသည်။