မန္တလေးမြို့ ၂၂ လမ်းတွင် ဆန္ဒပြပြည်သူများ၏ အထိုင်သပိတ်ကို ရိုက်နှက်ပစ်ခတ် ဖြိုခွဲမှုများ ပြုလုပ်ခဲ့ရာ ဖမ်းဆီးခံရသူ ၉၂ ဦးအထိရှိပြီး ၎င်းတို့ကို တရားစွဲဆိုလာပါက လိုက်ပါဆောင်ရွက်ပေးရန် ရှေ့နေများက အောင်မြေသာစံမြို့နယ် တရားရုံးရှေ့တွင် မတ် ၈ ရက်က စာရင်းများ ကောက်ယူနေကြောင်း သိရသည်။
မတ် ၇ ရက် နံနက်က မန္တလေးမြို့ အောင်မြေသာစံမြို့နယ် ၂၂ လမ်းနှင့် ၈၈ လမ်းထောင့်ရှိ ကျောင်းဆရာ ဆရာမများ၊ ကျောင်းသား ကျောင်းသူများ ပါဝင်သော ပညာရေးဝန်ထမ်းများ၊ ဆရာဝန်၊ သူနာပြု၊ ဆေးတက္ကသိုလ် ကျောင်းသားကျောင်းသူများ၊ ဆေးဝါးကျွမ်းကျင်တက္ကသိုလ် စသည့် ဆေးပညာနယ်ပယ်များ၊ တက္ကသိုလ်အသီးသီး ပါဝင်သော ကျောင်းသားသမဂ္ဂများ၊ နိုင်ငံရေးအင်အားစုများ၊ ရှေ့နေများ၊ အရပ်ဘက် အင်အားစုများ၊ ပြည်သူအများစု ပါဝင်သော လူထုသပိတ် တပ်ပေါင်းစုသည် ထိုင်သပိတ်ပြုလုပ်ကာ ဆန္ဒထုတ်ဖော်ခဲ့ကြခြင်း ဖြစ်သည်။
ထိုသို့ လူထု၏ ဆန္ဒပြနေသည့် ထိုင်သပိတ်ကို ရဲတပ်ဖွဲ့ပါဝင်သော လုံခြုံရေးတပ်ဖွဲ့များက အင်အားသုံး ဖြိုခွင်းခဲ့ရာ ထိခိုက်ဒဏ်ရာ ရရှိသူများရှိသလို လက်ရဖမ်းဆီးရသူများကိုလည်း တုတ်များဖြင့် ရိုက်နှက် ဖမ်းဆီးခဲ့သည်ဟု စုံစမ်းသိရှိရသည်။
အဆိုပါဖြစ်စဉ်တွင် ဖမ်းဆီးခံခဲ့ရသူ ၉၀ ကျော်အထိ ရှိသည်ဟု သိရပြီး ၎င်းတို့ကို အောင်မြေသာစံမြို့နယ် တရားရုံးတွင် တရားစွဲရန် ချုပ်ရက်ရီမန် ရယူသွားမည်ဟု ကြားသိရသဖြင့် ရှေ့နေများအဖွဲ့က တရားရုံးရှေ့တွင် စာရင်းများ ကောက်ယူနေကြောင်း သိရသည်။
“၂၂ လမ်းဖြစ်စဉ်မှာ လက်ရှိထိ ဖမ်းခံရသူ မိသားစုဝင်တွေက စာရင်းပေးတာ ၉၀ လောက်ရှိပါပြီ။ သူတို့ကို တရားစွဲဆိုမယ်ဆိုရင် လိုက်ပါဆောင်ရွက်ပေးလို့ရအောင် အောင်မြေသာစံမြို့နယ် တရားရုံးမှာ အခုလိုလာရောက် စာရင်းကောက်ယူနေတာပါ။ သင်္ဘောကျင်းဖြိုခွဲမှု ဖြစ်စဉ်တုန်းကဆိုရင်လည်း ဖမ်းထားတဲ့ ၇၀ ကျော်ကို မဟာအောင်မြေတရားရုံးမှာပဲ ၅၀၅ (က)နဲ့ တရားစွဲတင်တယ်။ အခု ဒီဖြစ်စဉ်ကတော့ ဘာပုဒ်မနဲ့ စွဲတင်မလဲဆိုတာတော့ မသိရသေးဘူး”ဟု ဖမ်းဆီးခံရသူများဘက်မှ ကူညီလိုက်ပါ ဆောင်ရွက်ပေးနေသည့် ရှေ့နေများအဖွဲ့မှ ရှေ့နေတစ်ဦးက ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
