မော်လမြိုင်တက္ကသိုလ်အတွင်း မတ် ၆ ရက် ညပိုင်းက တပ်မတော်သားများနှင့် ရဲတပ်ဖွဲ့ဝင်အင်အား ၁၅၀ ခန့် ဝင်ရောက်တပ်စွဲနေကြောင်း မော်လမြိုင်တက္ကသိုလ်အနီး နေထိုင်သူများ၏ ပြောကြားချက်များအရ သိရသည်။
“ မနေ့ (မတ် ၆ ရက်) ညနေပိုင်းက တစ်ခေါက်လာကြတယ်။ တာဝန်ရှိသူတွေနဲ့ ညှိနှိုင်းပြီးတော့ ပြန်ဆုတ်သွားတယ်။ ဒါပေမဲ့ ညပိုင်းကျတော့ ရဲတွေရော တပ်ကပါ အင်အား ၁၅၀ ခန့်နဲ့ ထပ်ဝင်လာတာ တွေ့ရပါတယ်” ဟု မော်လမြိုင်တက္ကသိုလ် အနီးနေထိုင်သူတစ်ဦးက ပြောကြားသည်။
၎င်းတို့မှာ တက္ကသိုလ်ပင်မဆောင်နှင့် အခြားအဆောင်တစ်ခုတွင် တပ်စွဲနေကြမည့် သဘောတွေ့ရကြောင်းနှင့် Main Gate ၊ ပင်မဆောင်နှင့် ဆယ်မြို့နယ်ဆောင်များ၏ သော့များကိုလည်း သိမ်းသွားကြောင်း မော်လမြိုင်တက္ကသိုလ် ကျောင်းသားများသမဂ္ဂ Facebook Page တွင် ဖော်ပြချက်အရ သိရသည်။
“ ကျောင်းဝင်းထဲမှာ ဒီမိုကရေစီကိုလိုလားတဲ့ ကျောင်းသားပြည်သူတွေရဲ့ မေတ္တာကို ခံယူပြီး CDM လုပ်နေတဲ့ ဆရာ ဆရာမတွေကတော့ မရှိကြတော့ဘူးပေါ့နော်။ တခြား လုံခြုံတဲ့နေရာတွေမှာ ပြောင်းရွှေ့နေထိုင်နေကြတယ်လို့ သိရပါတယ်” ဟု မော်လမြိုင်တက္ကသိုလ်မှ ကျောင်းသားတစ်ဦးက ဆိုသည်။
မော်လမြိုင်မြို့တွင် ဖေဖော်ဝါရီ ၆ ရက်မှ စတင်ကာ နေ့စဉ် ကျောင်းသားပြည်သူများက ဆန္ဒထုတ်ဖော်လျက်ရှိပြီး လုံခြုံရေးတပ်ဖွဲ့ဝင်များ၏ ပစ်ခတ်ဖြိုခွဲမှုများကြောင့် မော်လမြိုင် တက္ကသိုလ် ဘူမိဗေဒဌာန တတိယနှစ်ကျောင်းသားတစ်ဦးအပါအဝင် နှစ်ဦးသေဆုံးခဲ့ပြီး ကျောင်းသားပြည်သူအများအပြား ထိခိုက်ဒဏ်ရာရရှိခဲ့ကြောင်းနှင့် ဖမ်းဆီးထိန်းသိမ်းခံထားရသူစာရင်းမူ အတိအကျ မသိရသေးပေ။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
