နယူးကာဆယ်အသင်းသည် ဆိုစီဒက်အသင်းမှ ဆွီဒင်တိုက်စစ်မှူး အီဆက်ခ်ကို ကလပ်စံချိန်တင်ပြောင်းရွှေ့ ကြေး ပေါင်သန်း(၆၀)ဖြင့်ခေါ်ယူခဲ့သော်လည်း နည်းပြ အက်ဒီဟောင်းကမူ ကစားသမားတစ်ဦးကို ငွေကြေးဖြင့် တန်ဖိုးဖြတ်၍မရနိုင်ဟု ပြောကြားခဲ့သည်။
အီဆက်ခ်(၂၂ နှစ်)သည် ၂၀၁၉ ခုနှစ်က ဒေါ့မွန်အသင်းမှ ဆိုစီဒက်အသင်းသို့ ပေါင်(၈)သန်းဝန်းကျင်ဖြင့် ရောက်ရှိခဲ့သူဖြစ်ပြီး တစ်ပတ်လစာ ပေါင်(၂၀၀၀၀)ဝန်းကျင်သာရရှိနေသူ ဖြစ်သည်။
သို့သော် ယခုနောက်ပိုင်းကာလများတွင် ပရီးမီးယားလိဂ်ထိပ်သီးများ စိတ်ဝင်စားသည့် ကစားသမားတစ်ဦးဖြစ်လာခဲ့သည့်အတွက် နယူးကာဆယ်အသင်းက စံချိန်တင်ပြောင်းရွှေ့ကြေးဖြင့် ခေါ်ယူခဲ့ရခြင်းဖြစ်ပြီး တစ်ပတ်ပေါင်(၁၀၀၀၀၀)ဝန်းကျင်ဖြင့် (၆)နှစ်စာချုပ်ချုပ်ဆိုခဲ့ကြောင်း သိရသည်။
ယင်းအခြေအနေအတွက် အက်ဒီဟောင်းက ''ကစားသမားတစ်ယောက်ကို ခေါ်ယူရာမှာ ငွေဘယ်လောက် သုံးစွဲခဲ့ရလဲဆိုတာက အဲဒီကစားသမားကို တန်ဖိုးဖြတ်ရမယ့်အရာ မဟုတ်ပါဘူး။ ဒီထက်နှစ်ဆသုံးလည်း အဲဒီကစားသမား အောင်မြင်မှုရမယ်လို့ အာမခံချက်မရှိပါဘူး။ သူက အသင်းအတွက် ကောင်းမွန်တဲ့ ခေါ်ယူမှုဖြစ်တယ်လို့တော့ ထင်ပါတယ်''ဟု ဆိုခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
