Top News

ဘူရီယမ်အသင်းနည်းပြဖြစ်သူ အလက်ဇန္ဒားဂါမာက တိုက်စစ်မှူးအောင်သူမှာ ရရှိထားသည့် ခြေချင်းဝတ်ဒဏ်ရာကြောင့် မတ်လတတိယပတ်အတွင်း ဘောလုံးကစားနိုင်ဦးမည်မဟုတ်ကြောင်း Eleven Sports ၏ ဆက်သွယ်မေးမြန်းမှု ကို အတည်ပြုဖြေကြားခဲ့သည်။

ဘရာဇီးလ်လူမျိုး နည်းပြဖြစ်သူ အလက် ဇန္ဒားဂါမာက တိုက်စစ်မှူး အောင်သူအနေဖြင့် လေ့ကျင့်ရေးကွင်း၌ ရရှိထားသည့် ခြေချင်းဝတ် ဒဏ်ရာကြောင့် ရက်အနည်းငယ် ဆက်လက်အနား ယူရဦးမည်ဖြစ်ကြောင်း၊ မတ်လတတိယပတ်အတွင်း ဘောလုံးကစားနိုင်ဦးမည်မထင်ကြောင်း၊ သို့သော် ပရိသတ်များအနေဖြင့် အောင်သူကို အမြန်ဆုံး ပြန်လည်မြင်တွေ့ရဖွယ်ရှိကြောင်း အစရှိသဖြင့် Eleven Sports သို ့ပြောကြားခဲ့ခြင်းဖြစ်သည်။

မြန်မာ့လက်ရွေးစင်တိုက်စစ်မှူး အောင်သူသည် ထိုင်းလိဂ်-၁ ကလပ် ဘူရီယမ်အသင်းအတွက် ကစားခွင့်မရသည်မှာ (၇) ပွဲအထိ ရှိလာပြီဖြစ်ကြောင်း သိရသည်။ အောင်သူသည် ဘူရီယမ်အသင်းသို့ ရောက်ရှိချိန်မှစ၍ ပွဲချိန်ပြည့်(၁)ပွဲနှင် လူ စားဝင်ကစားခွင့် (၃) ပွဲသာရရှိထားသေးကြောင်း သိရသည်။ အောင်သူသည် ယခုနှစ်ရာသီ ထိုင်းလိဂ် -၁ ပြိုင်ပွဲ ရာသီဝက်အပြောင်းအရွှေ့ကာလတွင် ဘူရီယမ်အသင်းသို့ MNL ကလပ် ရတနာပုံအ သင်းမှ (၂) နှစ်စာ ချုပ်ဖြင့် အပြီးသတ် ပြောင်းရွှေ့ခဲ့ ခြင်းဖြစ်သည်။

အောင်သူသည် ဖေဖော်ဝါရီ (၁၆) ရက်က ဘူရီယမ်အသင်းနှင့် Rayong အသင်း ကစားခဲ့သည့်ပွဲတွင် နောက်ဆုံးပါဝင်ခဲ့သည်။ အောင်သူသည် Rayong အသင်းနှင့်ပွဲအပါအဝင် ဘူရီယမ်အသင်းအတွက် (၄)ပွဲကစားထားပြီး (၁)ဂိုး သွင်းယူပေးထားသည်။ အောင်သူသည် ဖေဖော်ဝါရီ (၆)ရက်က ရတ်ချာဘူရီအသင်းအား(၃-၀)ဂိုးဖြင့် အနိုင်ရရှိခဲ့သည့် ပွဲတွင် ဂိုးသွင်းယူထားခြင်းဖြစ်သည်။

အောင်သူသည် ပွဲစဉ် (၂၁) မှ (၂၇) အထိ ကစားခဲ့သည့် ဘူရီယမ်အသင်း၏ ထိုင်းလိဂ်-၁ အမှတ်ပေးပြိုင်ပွဲ (၇)ပွဲစလုံးကို လွဲချော်ထားသည်။ ဘူရီယမ်အသင်းသည် ပွဲစဉ် (၂၈)အဖြစ် မတ် (၁၈)ရက်တွင် ဘန်ကောက်ယူနိုက်တက်၊ ပွဲစဉ် (၂၉)အဖြစ် မတ် (၂၁) ရက်တွင် ပရာချွတ်၊ ပွဲစဉ် (၃၀)အဖြစ် မတ် (၂၈) ရက်တွင် Police Tero အသင်းတို့နှင့် ကစားရမည်ဖြစ်သည်။