အေစီမီလန်ဝါရင့်တိုက်စစ်မှူး အီဘရာဟီမိုဗစ်သည် အသင်းဟောင်း မန်ယူအသင်းနှင့်ကစားရမည့် ယူရိုပါလိဂ် ရှုံးထွက် (၁၆)သင်းအဆင့်(ဒုတိယအကျော့)ပွဲတွင် ပါဝင်ကစားနိုင်ဖွယ်ရှိနေကြောင်း သိရှိရသည်။
အသက် (၃၉)နှစ်အရွယ်ရှိ ဆွီဒင်ဝါရင့်တိုက်စစ်မှူး အီဘရာဟီမိုဗစ်သည် ဖေဖော်ဝါရီလ (၂၈)ရက်က ကစားခဲ့သည့် စီးရီးအေပွဲစဉ် ရိုးမား (၁-၂) အေစီမီလန်ပွဲတွင် ပေါင်ကြွက်သားဒဏ်ရာ ရရှိခဲ့သည်။
၎င်းသည် အဆိုပါဒဏ်ရာကြောင့် မတ်လ (၁၁)ရက်က ကစားခဲ့သည့် ယူရိုပါလိဂ် ရှုံးထွက် (၁၆)သင်းအဆင့်(ပထမအကျော့)ပွဲစဉ် မန်ယူ (၁-၁) အေစီမီလန်ပွဲအပါအဝင် အေစီမီလန်အသင်း၏ ပြိုင်ပွဲစုံပွဲစဉ် (၄)ပွဲကို လွဲချော်ခဲ့ရသည်။
သို့သော် ယခုအခါ အီဘရာဟီမိုဗစ်သည် ဒဏ်ရာမှ ပြန်လည်သက်သာလာပြီဖြစ်ပြီး ပြီးခဲ့သည့်အင်္ဂါနေ့က ပြုလုပ်ခဲ့သည့် အသင်း၏လေ့ကျင့်ရေးအစီအစဉ်တွင် ပါဝင်ခဲ့ကြောင်း သိရသည်။
ထို့ကြောင့် အီဘရာဟီမိုဗစ်အနေဖြင့် မတ်လ (၁၈)ရက်တွင် ကစားမည့် မန်ယူအသင်းနှင့် ယူရိုပါလိဂ်ရှုံးထွက် (၁၆)သင်းအဆင့်(ဒုတိယအကျော့)ပွဲ အိမ်ကွင်းပွဲ၌ ပါဝင်ကစားနိုင်ဖွယ်ရှိနေကြောင်း အီတလီမီဒီယာများက ဖော်ပြခဲ့ကြသည်။
အီဘရာဟီမိုဗစ်သည် ယခုရာသီတွင် အေစီမီလန်အသင်းအတွက် ပြိုင်ပွဲစုံ (၂၁)ပွဲတွင် (၁၆)ဂိုးအထိ သွင်းယူပေးထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
