အက်သလက်တီကိုကွင်းလယ်တိုက်စစ်ကစားသမား မားကို့စ်လော်ရန်တေးက မိမိတို့အနေဖြင့် ချယ်လ်ဆီးအသင်းကို အနိုင်ယူကာ ချန်ပီယံလိဂ်ကွာတားဖိုင်နယ်သို့ တက်ရောက်နိုင်မည်ဟု ယုံကြည်ကြောင်း ပြောကြားခဲ့သည်။
အက်သလက်တီကိုအသင်းသည် ချန်ပီယံလိဂ်ရှုံးထွက် (၁၆)သင်းအဆင့်(ပထမအကျော့)ပွဲတွင် ချယ်လ်ဆီးအသင်းကို အိမ်ကွင်း၌ (၀-၁)ဂိုးဖြင့် ရှုံးနိမ့်ခဲ့ရသည်။
သို့သော် မားကို့စ်လော်ရန်တေးက မိမိအနေဖြင့် ပြီးခဲ့သည့်ရာသီက လီဗာပူးလ်အသင်းကို အဝေးကွင်းတွင် အနိုင်ယူခဲ့သလို၊ ချယ်လ်ဆီးအသင်းကိုလည်း အနိုင်ယူကျော်ဖြတ်သွားမည်ဟု ပြောကြားခဲ့ခြင်းဖြစ်သည်။
မားကို့စ်လော်ရန်တေးက "ချယ်လ်ဆီးနဲ့ ကစားမယ့်ပွဲအတွက် ကျွန်တော်တို့တစ်သင်းလုံး စိတ်အားထက်သန်နေကြပါတယ်။ ကျွန်တော်တို့အနေနဲ့ အကောင်းဆုံးကြိုးစားမယ်ဆိုရင် ရလဒ်ကောင်းကို ရရှိမှာပါ။ ကျွန်တော်တို့အနေနဲ့ ဒီရာသီမှာ ပွဲပေါင်းများစွာကို အကောင်းဆုံးကစားနိုင်ခဲ့ပြီး ချယ်လ်ဆီးနဲ့ပွဲမှာလည်း အကောင်းဆုံးစွမ်းဆောင်နိုင်မယ်လို့ ယုံကြည်မှုအပြည့်ရှိပါတယ်။ ပြီးခဲ့တဲ့ရာသီက လီဗာပူးလ်ကို အနိုင်ယူခဲ့သလို၊ ချယ်လ်ဆီးအသင်းကိုလည်း ကျွန်တော်တို့ အနိုင်ယူကျော်ဖြတ်နိုင်စွမ်း ရှိပါတယ်"ဟု ပြောကြားခဲ့သည်။
ချယ်လ်ဆီးနှင့် ကစားမည့် ချန်ပီယံလိဂ်ရှုံးထွက် (၁၆)သင်းအဆင့်(ဒုတိယအကျော့)ပွဲတွင် တိုက်စစ်မှူး ဂျော်အိုဖေးလစ်ကို ပွဲထွက်အဖြစ် အသုံးပြုသွားမည်ဟု အက်သလက်တီကိုနည်းပြ ဆီမြွန်နီက အတည်ပြုပြောကြားထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
