လီဗာပူးလ်နည်းပြ ယာဂန်ကလော့ပ်၏ အေးဂျင့်ဖြစ်သူ မက်ကိုဆစ်ကီက ကလော့ပ်အနေဖြင့် အသင်းမှထွက်ခွာမည်မဟုတ်ကြောင်း အတည်ပြုပြောကြားခဲ့သည်။
ယာဂန်ကလော့ပ်သည် လီဗာပူးလ်အသင်းကို ချန်ပီယံလိဂ်၊ ဥရောပစူပါဖလား၊ ဖီဖာကလပ်ကမ္ဘာ့ဖလားနှင့် ပရီးမီးယားလိဂ်ချန်ပီယံဆုများ ဆွတ်ခူးရရှိအောင် စွမ်းဆောင်ပေးခဲ့သူဖြစ်သည်။
သို့သော် လီဗာပူးလ်အနေဖြင့် ယခုရာသီ ပရီးမီးယားလိဂ်တွင် ရုန်းကန်နေရပြီး ပွဲစဉ် (၂၉)အပြီးတွင် ရမှတ် (၄၆)မှတ်ဖြင့် အဆင့် (၆)နေရာ၌ ရပ်တည်နေပြီး အဆင့် (၄)နေရာမှ ချယ်လ်ဆီးအသင်း (၅၁ မှတ်)နှင့် (၅)မှတ်အထိ ကွာဟနေသည်။
ထို့ကြောင့် လီဗာပူးလ်အနေဖြင့် လာမည့်ရာသီတွင် ချန်ပီယံလိဂ်ဝင်ခွင့်မရခဲ့ပါက ကလော့ပ်အနေဖြင့် အသင်းမှထွက်ခွာရဖွယ်ရှိသည်ဟု သုံးသပ်မှုများရှိနေသလို၊ ကလော့ပ်အနေဖြင့် ယူရို-၂၀၂၀ ပြိုင်ပွဲအပြီး ရာထူးမှထွက်ခွာမည့် ဂျာမနီလက်ရွေးစင်အသင်းနည်းပြ ယော်ကင်လိုး၏နေရာကို ဆက်ခံဖွယ်ရှိနေသည်ဟု သတင်းများထွက်ပေါ်နေသည်။
သို့သော် ကလော့ပ်၏အေးဂျင့်ဖြစ်သူ မက်ကိုဆစ်ကီက ကလော့ပ်အနေဖြင့် ယခုနွေရာသီတွင် အသင်းမှထွက်ခွာမည်မဟုတ်ကြောင်းနှင့် ကလော့ပ်အနေဖြင့် လီဗာပူးလ်အသင်းတွင် လုပ်စရာများ ရှိနေသေးကြောင်း ပြောကြားခဲ့ခြင်းဖြစ်သည်။
"လီဗာပူးလ်မှာ ကလော့ပ်အနေနဲ့ လုပ်စရာတွေ ရှိနေပါသေးတယ်။ အလုပ်တွေက မပြီးသေးပါဘူး။ လီဗာပူးလ်အသင်းနဲ့ ချုပ်ဆိုထားတဲ့ ယာဂန်(ကလော့ပ်)ရဲ့ စာချုပ်ဟာ (၃)နှစ်သက်တမ်း ကျန်ရှိနေသေးပြီး သူ့အနေနဲ့ အသင်းက ထွက်ခွာမှာ မဟုတ်ပါဘူး။ အဲဒီအကြောင်းကို သူကိုယ်တိုင်လည်း သေချာပြောပြီးပါပြီ။ ဒါကြောင့် ကလော့ပ်အနေနဲ့ လီဗာပူးလ်က ထွက်သွားမှာ မဟုတ်ပါဘူး"ဟု မက်ကိုဆစ်ကီက ပြောကြားခဲ့သည်။
လီဗာပူးလ်အသင်းသည် ပြီးခဲ့သည့် ၂၀၁၉-၂၀ ရာသီက ပရီးမီးယားလိဂ်ချန်ပီယံဆုကို ရယူနိုင်ခဲ့သော်လည်း ယခုရာသီ ပရီးမီးယားလိဂ်ပွဲစဉ် (၂၉)အပြီးတွင် တစ်ပွဲကစားထားသည့် မန်စီးတီးအသင်း (၇၁ မှတ်)နှင့် (၂၅)မှတ်အထိ ကွာဟနေသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
