ဆွီဒင် ဆယ်ကျော်သက် တက်ကြွလှုပ်ရှားသူ ဂရီတာသွန်းဘတ်သည် ဇူလိုင်၂၁ ရက်တွင် ပြင်သစ်နိုင်ငံ၌ လွတ်လပ်ရေးဆုကို ရရှိခဲ့သည်။ ရာသီဥတုပြောင်းလဲမှုနှင့် ပတ်သက်၍ လုပ်ဆောင်ခြင်း မရှိသော နိုင်ငံများကို ကန့်ကွက်သည့် ၎င်း၏ “သောကြာနေ့ စာသင်ကျောင်းသပိတ်” သည် တစ်ကမ္ဘာလုံး လှုပ်ရှားမှု ပေါ်ပေါက်လာစေရန် အထောက်အကူပြုခဲ့သည်။ ဆုကို စပွန်ဆာပေးခဲ့သော ဒုတိယကမ္ဘာစစ် စစ်ပြန်ကြီးနှစ်ဦး ခြံရံလျက် ၎င်းသည် နော်မန်ဒီဒေသ အနောက်မြောက်ပိုင်း မြို့တော် ကွန်းတွင် ဆုကို လက်ခံရယူခဲ့သည်။
“ဒီဆုဟာ ကျွန်မအတွက်သာမက “အနာဂတ်လှုပ်ရှားမှုအတွက် သောကြာနေ့ အစီအစဉ်” တစ်ခုလုံးအတွက်လည်း ဖြစ်ပါတယ်။ အဲဒီအစီအစဉ်ကြောင့် ကျွန်မတို့ အတူတကွ အောင်မြင်ခဲ့တာ ဖြစ်ပါတယ်” ဟု သွန်းဘတ်က ပြောကြားခဲ့သည်။ ဆုကြေးငွေ ယူရို ၂၅၀၀၀ (ဒေါ်လာ ၂၈၀၀၀) ကို ရာသီဥတု မျှတရေးအတွက် လုပ်ဆောင်နေသော အဖွဲ့အစည်း လေးခုသို့ လှူဒါန်းသွားမည်ဟု ပြောကြားခဲ့သည်။ ဆုကို ပရိသတ် ရာပေါင်းများစွာ ရှေ့တွင် ပေးအပ်ချီးမြှင့်ခဲ့ခြင်းဖြစ်ပြီး ပရိသတ်များထဲတွင် ယခုဆုကို စပွန်ဆာပေးသော လီယွန်ဂေါ်တီးယား (ပြင်သစ်)၊ ချားလ်နော်မန်ရှေး (အမေရိကန်) တို့ အပါအဝင် ဒုတိယကမ္ဘာစစ် စစ်ပြန်အများအပြားလည်း ပါဝင်ခဲ့သည်။ အိုမာဟာ ကမ်းခြေတွင် ရှေးနှင့်အတူ မမေ့နိုင်စရာ နေ့တစ်နေ့ကို ကုန်ဆုံးခဲ့သည်ဟု သွန်းဘတ်က ပြောကြားခဲ့သည်။ ထိုကမ်းခြေသည် ဒုတိယကမ္ဘာစစ်ကို အဆုံးသတ်သွားစေရန် အထောက်အကူပြုခဲ့သည့် မဟာမိတ် ထိုးစစ်စတင်ရာ နေရာဖြစ်သည့် ၁၉၄၄ နော်မန်ဒီကမ်းတက်မှု ပြုလုပ်ရာနေရာတစ်ခု ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
