ဒီဇင်ဘာ ၁၅ ရက်တွင်ဗြိတိန်သည် အင်ဒို-ပစိဖိတ်ကုန်သွယ်ရေး အဖွဲ့ကြီးကို ဝင်ရောက်သည့် ပထမအဆုံး ဥရောပနိုင်ငံဖြစ်လာခဲ့သည်။
ယင်းသည် ဘရက်ဇစ်နောက်ပိုင်း ဗြိတိန်၏ အကြီးမားဆုံး ကုန်သွယ်ရေး သဘောတူညီချက်အဖြစ် ကြိုဆိုဂုဏ်ပြုခံရသည်။
ယူကေသည် ယခုအခါ CPTPP ၏၁၂ နိုင်ငံမြောက်အဖွဲ့ဝင် နိုင်ငံဖြစ်လာသည်။
CPTPP သည် Comprehensive and Progressive Agreement for Trans-Pacific Partnership ၏အတိုကောက်စာလုံးများဖြစ်ပြီး ပစိဖိတ်ဖြတ်ကျော် စီးပွားဖက်နိုင်ငံများအတွက် ကျယ်ပြန့် တိုးတက်သော သဘောတူညီချက် အဖွဲ့ဖြစ်သည်။
ယူကေသည် ယင်းအဖွဲ့သို့ ဝင်ရောက်ရန် လွန်ခဲ့သော နှစ်တွင် တရားဝင်အားဖြင့် လက်မှတ် ရေးထိုးခဲ့သည်။
ယခုကဲ့သို့ CPTPP အဖွဲ့ဝင်ဖြစ်သွားခြင်းက ဗြိတိန်၏ခြေကုန်လက်ပန်းကျနေသော စီးပွားရေးကို တစ်နှစ်လျှင် ပေါင် နှစ်ဘီလျံ(ကန်ဒေါ်လာ ၂ဒသမ ၅ ဘီလျံ) အထိမြင့်တက်လာစေလိမ့်မည်ဟု တာဝန်ရှိသူများက မျှော်မှန်းထားသည်။
စက်တင်ဘာလကုန်အထိ ၁၂ လအတွင်းယူကေ စုစုပေါင်းကုန်သွယ်ရေးတန်ဖိုးသည် ပေါင် ၁ ဒသမ ၇ ထရီလီယမ်ရှိသည်ဟု အစိုးရကိန်းဂဏန်းများအရ သိရသည်။
ပစိဖိတ်ဖြတ်ကျော်ကုန်သွယ်ရေးအဖွဲ့တွင်ဗြိတိန်၏ရောင်းရင်းဂျီ-၇ အဖွဲ့ဝင်များဖြစ်သော ကနေဒါ၊ဂျပန်တို့အပြင်ကာလရှည်မဟာမိတ်များဖြစ်သော ဩစတြေးလျ၊နယူးဇီလန်တို့နှင့်အတူဘရူနိုင်း၊ချီလီ၊မလေးရှား၊မက္ကဆီကို၊ပီရူး၊စင်ကာပူ၊ ဗီယက်နမ်တို့ ပါဝင်သည်။
CPTPP အဖွဲ့ကို ဝင်ရောက်ရန် တရုတ်က လျှောက်ထားသည်ဆိုသော်လည်း ၂၀၁၈ ခုနှစ်တွင် တည်ထောင်ခဲ့သော ယင်းကုန်သွယ်ရေးအဖွဲ့သည် ဒေသတွင်း တရုတ်လွှမ်းမိူမှုကို ကာကွယ်ရန် ဖွဲ့စည်းသော ကုန်သွယ်ရေးအဖွဲ့အဖြစ် ရှုမြင်ခံထားရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
