အမေရိကန်ရွေးကောက်ခံသမ္မတဒေါ်နယ်ထရန့်က ၂၀၂၅ ခုနှစ် ဇန်နဝါရီ ၂၀ ရက်တွင်ပြုလုပ်မည့် ၎င်း၏ ကျမ်သစ္စာကျိန်ဆိုပွဲကို ယူကရိန်းသမ္မတ ဗိုလိုဒီမာ ဇယ်လန်စကီးအား တက်ရောက်ရန် ဖိတ်ကြားခဲ့ခြင်း မရှိကြောင်း ပြောကြားခဲ့သည်။
သတင်းစာရှင်းလင်းပွဲတွင် ဇယ်လန်စကီးအား ဖိတ်ကြားခဲ့ခြင်း ရှိ၊ မရှိ သတင်းထောက်များက မေးမြန်းချိန်တွင် ထရန့်က ထိုကဲ့သို့ ပြောကြား ခြင်းဖြစ်သည်။
"ကျွန်တော် မဖိတ်ကြားခဲ့ပါဘူး" ဟု ထရန့်က ပြောကြားခဲ့ကြောင်း ရုရှား၏ RIS Novosti သတင်းအေဂျင်စီက ကိုးကားဖော်ပြခဲ့သည်။
အကယ်၍ ဇယ်လန်စကီးသည် သမ္မတကျမ်းကျိန်ပွဲကို တက်ရောက်လိုပါက ဝါရှင်တန်သို့ လာလိမ့်မည်ဟု ထရန့်က ပြောသည်။
ထို့ပြင် ဒေါ်နယ်ထရန့်၏ သမ္မတအဖြစ်ကျမ်းသစ္စာကျိန်ဆိုပွဲသို့ တရုတ်သမ္မတရှီကျင်းပင်တက်ရောက်ပေးရန် ဖိတ်ကြားထားသော်လည်း ၊ ရှီ တက်ရောက်နိုင်ဖွယ်မရှိဟု သတင်းရင်းမြစ် နှစ်ဦးက CBS News သတင်းဌာနကိုပြောသည်။
၎င်းတို့အဆိုအရ ထရန့်ကျမ်းကျိန်ပွဲသို့ ရှီအစား အမေရိကန်ဆိုင်ရာ တရုတ်သံ အမတ်နှင့် ပေကျင်းရှိအရာရှိများသာ တက်ရောက်ဖွယ်ရှိသည်။
“မဟာမိတ်ရယ်မှမဟုတ်၊ ပြိုင်ဖက်နိုင်ငံတွေရဲ့ခေါင်းဆောင်တွေနဲ့ လည်း ပွင့်ပွင့်လင်းလင်းပြောဆိုညှိနှိုင်းဖို့ သမ္မတထရန့်က လမ်းဖွင့်ထားတဲ့သဘောပါ” ဟု ထရန့်၏ပြောရေးဆိုခွင့်ရှိသူ ကယ်ရိုလင်းလိဗစ်က Fox News ရုပ်သံသို့ပြောသည်။
ထရန့်သည် တရုတ်သမ္မတ ရှီ ကိုချီးကျူးသည့် အခါလည်းရှိသကဲ့သို့ တရုတ်ကို ပြစ်ပြစ်နှစ် နှစ်ဝေဖန်ခဲ့သည့်အခါလည်းရှိသည်။
ထို့ပြင် ထရန့်က သမ္မတတာဝန်ကို ၎င်းယူသည့်အခါ တရုတ်သွင်းကုန်များကို အကောက်ခွန်သိသိ သာသာတိုးမည်ဟု ကြုံးဝါးထားသည်။
သို့ သော်အောက်တိုဘာတွင် ထရန့်က “ပြည်သူ ၁ ဒသမ ၄ ဘီလျံကို သူ ကြပ်ကြပ်မတ်မတ်အုပ် ချုပ်နိုင်တယ်၊ သူက တစ်ကယ်တော်တဲ့သူ” ဟု ရှီကိုချီးကျူးခဲ့ပြန်သည်။
နိုင်ငံခြားရေးဝန် ကြီးဖြစ်လာမည့် မာကိုရူဘီယိုနှင့် နိုင်ငံတော် လုံခြုံရေးအကြံပေးဖြစ်လာမည့် မိုက်ဝေါ့ဇ် အပါအဝင် ထရန့်အစိုးရအဖွဲ့တွင်ပါလာမည့် အရာရှိအချို့သည် တရုတ်အစိုးရကို ဝေဖန်ခဲ့သူများဖြစ်သည်။
■ Ref: EurAsia Daily , BBC
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
