အိန္ဒိယ၏ စီးပွားရေးမြို့တော်ဖြစ်သည့် မွန်ဘိုင်းတွင် အိန္ဒိယရေတပ်၏ စပိဘုတ်တစ်စင်းက စမ်းသပ်မောင်းနှင်နေချိန်အတွင်း အရှိန်မထမ်းနိုင်ဘဲ ကူးတို့သင်္ဘောတစ်စင်းကို ဝင်တိုက်မိသဖြင့် လူ ၁၃ ဦးထက်မနည်းသေဆုံးခဲ့ကြောင်း ရေတပ်နှင့်အစိုးရအဖွဲ့က ဒီဇင်ဘာ ၁၈ ရက်က ပြောကြားခဲ့သည်။
အိန္ဒိယသတင်းဝက်ဘ်ဆိုက်များတွင် ဖော်ပြထားသည့်ဗီဒီယိုမှတ်တမ်းများအတွင်း စပိဘုတ်တစ်စင်းသည် ကူးတို့သင်္ဘောကို အရှိန်ပြင်းပြင်းဝင်တိုက်ခဲ့ပုံကိုမြင်တွေ့ရသည်။ ထို့နောက် နောက်ပိုင်းထွက်ပေါ်လာသည့် ဓာတ်ပုံများတွင် ကူးတို့သင်္ဘောနစ်မြုပ်ခဲ့သည့်ပုံများကို တွေ့ရသည်။
“လူ ၁၃ ဦးသေဆုံးတယ်လို့ ဆရာဝန်တွေက ကြေညာခဲ့ပါတယ်”ဟု မဟာရက်ရှ်ထရာပြည်နယ် ဝန်ကြီးချုပ် ဒီဗန်ဒရာဖက်နာဗစ်က သတင်းထောက်များကို ပြောကြားခဲ့ပြီး လူ ၁၀၀ ကျော်ကို ကယ်တင် နိုင်ခဲ့သည်ဟုဆိုသည်။
ကူးတို့သင်္ဘောသည် ကိုလိုနီခေတ်ကတည်ဆောက်ခဲ့သည့် အထိန်းအမှတ်အဆောက်အအုံဖြစ်သည့် Gateway of India မှ ဆင်ကျွန်းသို့သွားရောက်ချိန်တွင် အဆိုပါမတော်တဆမှုဖြစ်ပွားခဲ့ခြင်းဖြစ်သည်။ ရေတပ်၏ စပိဘုတ်သည် အင်ဂျင်စမ်းနေချိန်အတွင်း ထိန်းချုပ်မှုချွတ်ယွင်းကာ ကူးတို့သင်္ဘောကို တိုက်မိခဲ့ခြင်းဖြစ်သည်ဟု အိန္ဒိယရေတပ်က ထုတ်ပြန်ခဲ့သည်။ သေဆုံး သူ ၁၃ ဦးအနက် ရေတပ်အမှုထမ်းတစ်ဦးပါဝင်ကြောင်း ထုတ်ပြန်ခဲ့သည်။
Ref: AFP
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
