အဂွဲရိုးက အေဂျက်စ်၊ မန်ယူအသင်းတို့ကို ဥပမာပေးကာ ရှော်လ်ကေးအသင်းကို လျှော့မတွက်ကြရန် ပြောကြားခဲ့ခြင်းဖြစ်သည်။
မန်စီးတီးအသင်းတိုက်စစ်မှူး အဂွဲရိုးက ချန်ပီယံလိဂ်ရှုံးထွက်(၁၆)သင်းအဆင့် ဒုတိယအကျော့အဖြစ်ယှဉ်ပြိုင်ရမည့် ရှော်လ်ကေးအသင်းကို လျှော့မတွက်ကြရန် အသင်းဖော်များကို သတိပေးပြောကြားသွားခဲ့သည်။
မန်စီးတီးအသင်းသည် ချန်ပီယံလိဂ်ရှုံးထွက် (၁၆)သင်းအဆင့် ပထမအကျော့ပွဲစဉ်တွင် ရှော်လ်ကေးအသင်းကို အဝေးကွင်း၌ (၃-၂)ဂိုးဖြင့် အနိုင်ရရှိထားခဲ့သည်။
သို့သော် အဂွဲရိုးက အေဂျက်စ်၊ မန်ယူအသင်းတို့ကို ဥပမာပေးကာ ရှော်လ်ကေးအသင်းကို လျှော့မတွက်ကြရန် ပြောကြားခဲ့ခြင်းဖြစ်သည်။
အဂွဲရိုးက ''လတ်တလောထွက်ပေါ်ခဲ့တဲ့ ချန်ပီယံလိဂ်ပြိုင်ပွဲ ရလဒ်တွေအရ ကျွန်တော်တို့အနေနဲ့ ရှော်လ်ကေးအသင်းကို ဂရုစိုက်ကစားဖို့လိုပါတယ်။ ချန်ပီယံလိဂ်ရှုံးထွက်အဆင့်မှာ မထင်မှတ်တဲ့ရလဒ်တွေ ထွက်ပေါ်ခဲ့ပါတယ်။ PSG အသင်းက မန်ယူကို ပထမအကျော့မှာ ဂိုးပြတ်အနိုင်ရခဲ့ပေမယ့် ကွာတားဖိုင်နယ်တက်သွားတာက မန်ယူအသင်းပါပဲ။ ချန်ပီယံလိဂ်ပြိုင်ပွဲက အရမ်းခက်ပါတယ်။ အသင်းတိုင်းက အရမ်းကောင်းပြီးကြိုးစားကြပါတယ်။ ပရီးမီးယားလိဂ်လို ကာလရှည်ကစားရတဲ့ ပြိုင်ပွဲတွေမှာ တချို့ပွဲတွေ အမှားလုပ်လို့ရပါတယ်။ ဒါပေမဲ့ ချန်ပီယံလိဂ်မှာတော့ လုံးဝအမှားမခံပါဘူး။ အသေးစိတ်အချက်အလက်လေးကစပြီး ဂရုစိုက်ဖို့လိုအပ်ပါတယ်" ဟုပြောကြားခဲ့သည်။
မန်စီးတီးအသင်းသည် မတ်လ (၁၂)ရက်နေ့တွင် ချန်ပီယံလိဂ်ရှုံးထွက်(၁၆)သင်းအဆင့် ဒုတိယအကျော့ပွဲစဉ်အဖြစ် ရှော်လ်ကေးအသင်းကို အိမ်ကွင်း အီတီဟတ်ဒ်တွင် လက်ခံကစားရမည်ဖြစ်သည်။
မန်စီးတီးအသင်းသည် ယခုနှစ်ချန်ပီယံလိဂ်ပြိုင်ပွဲတွင် ဗိုလ်စွဲရန်ရေပန်းအစားဆုံးအသင်းအဖြစ် ရပ်တည်နေသော်လည်း အသင်းနည်းပြ ဂွါဒီယိုလာကမူ မိမိတို့အနေဖြင့် ချန်ပီယံလိဂ်တွင် ဗိုလ်စွဲရန် မဖြစ်နိုင်သေးကြောင်း ဝန်ခံထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
