ဘာစီလိုနာအသင်းသည် PSG အသင်း မှ ပြင်သစ်လူငယ်တိုက်စစ်မှူး ဘာပေ သို့မဟုတ် ဒေါ့မွန်အသင်းမှ နော်ဝေလူငယ်ကြယ်ပွင့် ဟော်လန်းတို့တစ်ဦးဦးကို ခေါ်ယူမည့် အစီအစဉ်မှာ အမှန်တကယ်ဖြစ်လာနိုင်သည်ဟု အသင်းဥက္ကဋ္ဌသစ်ရွေးကောက်ပွဲဝင်မည့် တိုနီဖရက်ရှာက မှတ်ချက်ပြုခဲ့သည်။
ဥရောပဘောလုံးလောက၏အနာဂတ်များဖြစ်သည့် ယင်းကစားသမားနှစ်ဦးကို ခေါ်ယူလိုသည့်အသင်းများအနေဖြင့် ပြောင်း ရွှေ့ကြေးမြင့်မားစွာ သုံးစွဲရဖွယ်ရှိနေသဖြင့် ဘဏ္ဍာရေးပြဿနာကြုံတွေ့နေရသည့် ဘာစီလိုနာအသင်းမှ ခေါ်ယူရန်ကြိုးပမ်းမှုမှာ ဖြစ်နိုင်ခြေနည်းပါးသည်ဟု သတင်းများက သုံးသပ်ခဲ့သည်။
ဘာစီလိုနာအသင်း၏ကြွေးမြီပမာဏမှာ ယူရို ၁ ဒသမ ၂ ဘီလျံအထိရှိ သည်ဟု အသင်းမှနောက်ဆုံးထုတ်ပြန်ထားသည့် ဘဏ္ဍာရေးအစီရင်ခံစာတွင် အတိအလင်းဖော်ပြထားသည်။ တိုနီဖရက်ရှာက ကတ်တလန်ရေဒီယို RAC 1 နှင့်တွေ့ဆုံမှု တွင် ဘာစီလိုနာအသင်းအနေဖြင့် ဘာပေ သို့မဟုတ် ဟော်လန်တစ်ဦးဦးကို ခေါ်ယူမှု မှာ အမှန်တကယ်ဖြစ်နိုင်ခြေရှိသည်ဟု ဖြေကြားခဲ့သည်။
ထို့အပြင် ရာသီကုန်တွင် စာချုပ်သက်တမ်း ကုန်ဆုံးတော့မည့် အသင်းခေါင်းဆောင် မက်ဆီမှာမူ သူ၏အနာဂတ်ကို ဥက္ကဋ္ဌ ရွေး ကောက်ပွဲပြီးမှ ဆုံးဖြတ်ချက်ချဖွယ်ရှိနေ ကြောင်းလည်း မှတ်ချက်ပြုခဲ့သည်။ ဘာစီလိုနာအသင်း၏ဥက္ကဋ္ဌသစ်ရွေးကောက်ပွဲကို လာမည့်မတ်လ ၇ ရက်တွင် ပြုလုပ်မည်ဖြစ်ပြီး ဥက္ကဋ္ဌဟောင်း ယိုအန်လာပေါ်တာ၊ ဗစ်တာဖွန်နှင့် တိုနီဖရက်ရှာတို့ ဝင်ရောက်ရွေးချယ်ခံမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
