အာရှဘောလုံးအဖွဲ့ချုပ်(AFC) သည် ၂၀၂၂ အာရှဖလား အမျိုးသမီးပြိုင်ပွဲ နောက်ဆုံးအဆင့် အုပ်စုမဲခွဲပွဲအခမ်းအနားကို အောက်တိုဘာ ၂၈ ရက်တွင်ပြုလုပ်မည်ဖြစ်ကြောင်း သိရသည်။
ဆီဒင်သတ်မှတ်မှုအရ Pot-1 တွင် အိမ်ရှင်အိန္ဒိယ၊ ၂၀၁၈ ပြိုင်ပွဲချန်ပီယံ ဂျပန်၊ ဒုတိယရသြစတြေးလျ၊ Pot-2 တွင် တောင်ကိုရီးယား၊ တရုတ်၊ ထိုင်း၊ Pot-3 တွင် ဗီယက်နမ်၊ ဖိလစ်ပိုင်၊ တရုတ်တိုင်ပေ၊ Pot-4 တွင် မြန်မာ၊ အီရန်၊ အင်ဒိုနီးရှားအမျိုးသမီးအသင်းတို ့ပါဝင်နေလျက်ရှိသည်။
AFC သည် ၂၀၂၂ အာရှဖလား အမျိုးသမီးပြိုင်ပွဲ နောက်ဆုံးအဆင့်ကို အသင်းအရေအတွက် တိုးမြှင့်ထားပြီး စုစုပေါင်း ၁၂ သင်းဖြင့် ကျင်းပမည်ဖြစ်သည်။
နောက်ဆုံးအဆင့်ကို (၄)သင်း သုံး အုပ်စုခွဲ၍ ကျင်းပမည်ဖြစ်ပြီး အိန္ဒိယနိုင်ငံက အိမ်ရှင်အဖြစ် လက်ခံကျင်းပခွင့်ရရှိထားသည်။
ယင်းပြိုင်ပွဲကို ၂၀၂၂ ခုနှစ် ဇန်နဝါရီ ၂၀ ရက်မှ ဖေဖော်ဝါရီ ၆ ရက်အထိ အိန္ဒိယနိုင်ငံရှိ မြို့ကြီးသုံးမြို့၌ ကျင်းပမည် ဖြစ်သည်။
နောက်ဆုံးကျင်းပသည့် ၂၀၁၈ ပြိုင်ပွဲတွင် ချန်ပီယံဖြစ်ခဲ့သည့် ဂျပန်အသင်း၊ ဒုတိယဆုရခဲ့သည့် သြစတြေးလျအသင်း၊ တတိယဆုရခဲ့သည့် တရုတ်အသင်းအပါအဝင် အိမ်ရှင်အိန္ဒိယအသင်းတို့မှာ ခြေစစ်ပွဲကစားရန်မလိုဘဲ တိုက်ရိုက်ယှဉ် ပြိုင်ခွင့်ရထားပြီး ကျန်ရှစ်သင်းမှာမူ ခြေစစ်ပွဲကစားပြီးမှ ထွက်ပေါ်လာခြင်းဖြစ်သည်။
ပြိုင်ပွဲကျင်းပမည့်ပုံစံအရ အုပ်စု သုံးခုမှ အမှတ်အများဆုံးရရှိသည့် ထိပ်ဆုံးနှစ်သင်းစီနှင့် တတိယနေရာရအသင်းများအနက် အကောင်းဆုံး နှစ်သင်း ကွာတားဖိုင်နယ်တက်ခွင့်ရမည်ဖြစ်သည်။
ထို့ကြောင့် နောက်ဆုံးအဆင့် ဝင်ရောက်ယှဉ်ပြိုင်ခွင့်ရမည့် အသင်းများအနေဖြင့် အုပ်စုအဆင့်ကျော်လွန်ရန် အခွင့်အရေးရှိနေပြီး ခြေစစ်ပွဲအောင်မြင်ထားသည့် မြန်မာအသင်းအနေဖြင့်လည်း ပထမဆုံးအကြိမ် အုပ်စုအဆင့်ကျော်လွန်ရန် အခွင့်အရေးရှိနေခြင်းဖြစ်သည်။
မြန်မာအမျိုးသမီးအသင်းသည် အာရှဖလားအမျိုးသမီးပြိုင်ပွဲ နောက်ဆုံးအဆင့်တွင် တစ်ကျော့ပြန် ယှဉ်ပြိုင်ခွင့်ရခြင်းဖြစ်ပြီး ၂၀၁၄ ပြိုင်ပွဲနောက်ပိုင်း ပြန်လည်ယှဉ်ပြိုင်ခွင့်ရခဲ့သည်။
မြန်မာအမျိုးသမီးအသင်းသည် အာရှဖလား အမျိုးသမီးပြိုင်ပွဲတွင် ငါးကြိမ်မြောက် ယှဉ်ပြိုင်ခွင့်ရရှိခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
