ဒါဘီအသင်း၏ နည်းပြအဖြစ် ဆောင်ရွက်နေသည့် မန်ချက်စတာယူနိုက်တက်ဂန္ထဝင်တိုက်စစ်မှူးဟောင်း ရွန်နီက လက်ရှိ မန်ချက်စတာယူနိုက်တက်ကစားသမားများမှာ လိုအပ်သည့် ကြိုးစားအားထုတ်မှုမရှိကြောင်း ဝေဖန်ခဲ့သည်။
မန်ချက်စတာယူနိုက်တက်အသင်းသည် အောက်တိုဘာ (၂၄)ရက်က ကစားခဲ့သည့် ပရီးမီးယားလိဂ်ပွဲစဉ်တွင် အခါးသီးဆုံး အင်္ဂလန်ဒါဘီပြိုင်ဘက် လီဗာပူးလ်အသင်းကို အိမ်ကွင်း အိုးလ်ထရက်ဖို့ဒ်၌ (၀-၅)ဂိုးဖြင့် ဂိုးပြတ် ရှုံးနိမ့်ခဲ့ရသည်။
ယင်းရှုံးပွဲကြောင့် မန်ချက်စတာယူနိုက်တက်နည်းပြ ဆိုးလ်ရှား၏ အနာဂတ်မှာ လှုပ်ခတ်လျက်ရှိပြီး ရွန်နီကမူ ကစားသမားများ၏ ကြိုးစားမှုမှာ လက်ခံနိုင်စရာမရှိကြောင်း ပြောကြားခဲ့ခြင်းဖြစ်သည်။
ရွန်နီက "မန်ချက်စတာယူနိုက်တက်က တောင်းဆိုမှုများပြီး ဖိအားများတဲ့ အသင်းဖြစ်ပါတယ်။ ဒါပေမဲ့ လီဗာပူးလ်နဲ့ပွဲမှာ ခံစစ်ကို ဆင်းကူဖို့ မလုပ်ခဲ့တဲ့ ကစားသမားတွေ အများကြီး ကျွန်တော် မြင်ခဲ့ရတယ်။ အသင်းအတွက် ကြိုးစားချင်စိတ်မရှိတာ၊ ပေးဆပ်လိုစိတ်မရှိတာတွေက လက်ခံပေးလို့ မရပါဘူး။ ဒါကို နည်းပြအမှားလို့ ပြောမလား၊ ဒါမှမဟုတ် ကစားသမားတွေရဲ့ အမှားလို့ ပြောမလား"ဟု ပြောကြားခဲ့သည်။
မန်ချက်စတာယူနိုက်တက်အသင်းသည် ပရီးမီးယားလိဂ်ပွဲစဉ် (၁၀)အဖြစ် အောက်တိုဘာ (၃၀)ရက်(စနေနေ့)တွင် စပါးအသင်းကို အဝေးကွင်း၌ သွားရောက်ယှဉ်ပြိုင်ရမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
