မြန်မာ့လက်ရွေးစင် အမျိုးသမီးအသင်းနည်းပြချုပ် ဦးတင်မြင့်အောင်က ၂၀၂၂ အာရှ ဖလားအမျိုးသမီးပြိုင်ပွဲတွင် အုပ်စုကျပ်အတွင်း ကျရောက်နေသဖြင့် ပြင်ဆင်မှု ပိုမိုပြုလုပ်ရမည်ဖြစ်ကြောင်း ပြောကြားခဲ့သည်။
မြန်မာအမျိုးသမီးအသင်းသည် ၂၀၂၂ အာရှဖလားအမျိုးသမီးပြိုင်ပွဲ နောက်ဆုံးအဆင့်တွင် လက်ရှိချန်ပီယံ ဂျပန်အပါအဝင် တောင်ကိုရီးယား၊ ဗီယက်နမ်တို့နှင့် တစ်အုပ်စုတည်းကျရောက်နေသဖြင့် ကွာတားဖိုင်နယ် တက်ရောက်နိုင်ရန် ရုန်းကန်ရဖွယ်ရှိနေသည်။
ဦးတင်မြင့်အောင်က ''ကျွန်တော်တို့ အသင်းက အုပ်စုကျပ်အတွင်း ကျရောက်နေတာဖြစ်လို့ အရင်စီစဉ်ထားတာတွေထက် ပြင်ဆင်မှုတွေ ပိုမိုပြုလုပ်ရမှာပါ။ တစ်အုပ်စုတည်း ကျရောက်နေတဲ့ အသင်းတွေနဲ့ ခြေစွမ်းအရ ကွာခြားမှုရှိပါတယ်။ ဒါပေမဲ့ အခွင့်အရေးမရှိတာတော့ မဟုတ်ပါဘူး။ အခွင့်အရေးရှိပါတယ်။ ဒါကြောင့် ပြင်ဆင်မှု ပိုမိုပြုလုပ်ရမှာပါ။ ကွာတားဖိုင်နယ် တက်ရောက်ခွင့်ရမှ ကမ္ဘာ့ဖလားပြိုင်ပွဲဝင်ခွင့်ရဖို့ မျှော်လင့်ချက်ရှိမှာဖြစ်ပေမဲ့ လက်ရှိအုပ်စုအနေအထားကြောင့် ခက်ခဲသွားတယ်လို့ ပြောနိုင်ပါတယ်။ ဒါပေမဲ့ ဘောလုံးမှာ ကြိုပြောဖို့ခက်ပါတယ်။ ကြိုးစားရင် မျှော်လင့်ချက်ရှိသလို၊ အခွင့်အရေးတွေလည်း ရှိလာနိုင်ပါတယ်။ ဒါကြောင့် အကောင်းဆုံးယှဉ်ပြိုင်နိုင်ဖို့ ကြိုးစားပြင်ဆင်သွားမှာပါ''ဟု ပြောကြားခဲ့သည်။
မြန်မာအသင်းသည် တစ်အုပ်စုတည်း ကျရောက်နေသည့် အသင်းများအနက် ဂျပန်၊ တောင်ကိုရီးယားအသင်းတို့နှင့် နောက်ဆုံးအဆင့် အုပ်စုတွင် တတိယအကြိမ် တွေ့ဆုံခြင်းဖြစ်ပြီး ဗီယက်နမ်အသင်းနှင့်မူ ပထမဆုံး တွေ့ဆုံခြင်းလည်းဖြစ်သည်။
မြန်မာအသင်းသည် ယှဉ်ပြိုင်ခဲ့သည့် နောက်ဆုံးအဆင့် (၄) ကြိမ်တွင် နိုင်ပွဲ (၂)ပွဲသာရယူနိုင်ပြီး ပြိုင်ပွဲ(၄) ကြိမ်တွင် ရမှတ် (၇)မှတ်သာ ရယူနိုင်သေးကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
