လီဗာပူးလ်အသင်းသည် ၎င်းတို့အသင်းအတွက် အကောင်းဆုံးပုံစံဖြင့် ခြေစွမ်းပြကစားပေးနေသည့် အသင်း၏ အီဂျစ်တိုက်စစ်မှူး ဆာလာအား ကလပ်အသင်းစံချိန်တင် လစာငွေနှုန်းထားဖြင့် စာချုပ်သစ်ချုပ်ဆိုရန် နီးစပ်နေပြီဖြစ်ပြီး ယခင်က သတင်းများထွက်ပေါ်ခဲ့သည့် တစ်ပတ်လုပ်ခ ပေါင် (၅)သိန်းအထိ ဆာလာက အလိုရှိနေသည်ဆိုသည့် သတင်းများမှာမူ သတင်းအမှားများသာဖြစ်ကြောင်း သိရှိရသည်။
ဆာလာ၏ လက်ရှိစာချုပ်သက်တမ်းမှာ ၂၀၂၃ ခုနှစ်တွင် ကုန်ဆုံးမည်ဖြစ်ပြီး လီဗာပူးလ်အသင်းသည် စာချုပ်၏ နောက်ဆုံးနှစ်အတွင်းသို့ အရောက်ခံမည်မဟုတ်ဘဲ ဆာလာကို စာချုပ်သက်တမ်းတိုးရန် ဆန္ဒရှိနေခြင်းဖြစ်သည်။
ဆာလာကိုယ်တိုင်ကလည်း အသင်း၏ လစာအများဆုံးရ ကစားသမားဖြစ်လာရန် ဆန္ဒရှိသော်လည်း အသင်းပိုင်ရှင်များဖြစ်သည့် FSG ၏ ဘဏ္ဍာရေးမူဝါဒများအပေါ် နားလည်လက်ခံထားပြီး တစ်ပတ်လုပ်ခ ပေါင် (၅)သိန်းအထိ တောင်းဆိုထားသည်ဆိုခြင်းမှာ မဟုတ်မှန်ကြောင်း သိရှိရသည်။
လီဗာပူးလ်အသင်းတွင် လက်ရှိလစာအများဆုံးရရှိနေသူမှာ နောက်ခံလူ ဗန်ဒိုက်ဖြစ်ပြီး တစ်ပတ်လုပ်ခ ပေါင် (၂၂၀၀၀၀)ရရှိနေကာ ဆာလာက ယင်းထက်ပိုများသည့် ပမာဏကိုသာ အလိုရှိနေခြင်းဖြစ်သည်။
မန်ယူအသင်းကို (၅-၀)ဂိုးဖြင့် အနိုင်ရရှိခဲ့သည့်ပွဲအပြီး မီဒီယာများက အနာဂတ်အကြောင်း မေးမြန်းစဉ်ကလည်း ဆာလာက ''ကျွန်တော့်အပေါ် မူမတည်ပါဘူး။ ကလပ်အသင်းအပေါ်ပဲ မူတည်ပါတယ်။ ကျွန်တော့်ကို မေးရင်တော့ ကျွန်တော် လီဗာပူးလ်အသင်းမှာပဲ ကစားသမားဘဝရဲ့ နောက်ဆုံးနေ့အထိ ကစားသွားချင်ပါတယ်။ လီဗာပူးလ်အသင်းကို ပြိုင်ဘက်အဖြစ် ပြန်ရင်ဆိုင်ရတာမျိုး ကျွန်တော် မဖြစ်ချင်ပါဘူး။ ဒါပေမဲ့ အနာဂတ်ကိုတော့ ကြိုပြောလို့မရဘူးပေါ့''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
