ရန်ကုန်တိုင်းဒေသကြီး၊ ဒလမြို့နယ်အတွင်းလှည့်လည်၍ ဖုန်း၊ ဆိုင်ကယ်နှင့် စက် ဘီးခိုးမှု ၁၂ မှုအထိကျူးလွန်ထားသည့် အမျိုးသားတစ်ဦးကို ဖမ်းဆီးရမိခဲ့ကြောင်း ဒီဇင်ဘာ ၁၅ ရက်တွင် ရဲတပ်ဖွဲ့မှ သိရသည်။
ဖမ်းဆီးရမိသူမှာ ဝေဖြိုးဦး(ခ)ကတုံးဆိုသူဖြစ်ပြီး ၎င်းမှာ ခိုးမှုများကျူးလွန်ထားသည် ဟု သတင်းရရှိထားသဖြင့် ဒီဇင်ဘာ ၅ ရက် ညပိုင်းတွင် ဒလမြို့နယ်၊ ကမာကဆစ်ရပ် ကွက်၊ စိုက်ပျိုးရေးစိမ်းလန်းလမ်း၌ တွေ့ရှိရ သဖြင့် ရဲတပ်ဖွဲ့က ထိန်းသိမ်းစစ်ဆေးခဲ့ကြောင်း၊ စစ်ဆေးရာ ၎င်းသည် ၂၀၁၉ ခုနှစ် ဒီဇင်ဘာလအတွင်းက ဒလမြို့နယ်၊ ဗညားဒလရပ်ကွက်၊ အောင်ဆန်းသူရိယလှသောင်း အားကစားကွင်းအနီးရှိ နေအိမ်တစ်အိမ်ရှေ့တွင် ရပ်ထားသည့် ဆိုင်ကယ်တစ်စီးကို ခိုးယူခဲ့သည်ဟု စစ်ဆေးပေါ်ပေါက်ခဲ့ကြောင်း သိရ သည်။
ထို့နောက် ဖမ်းဆီးရမိသူ ဝေဖြိုးဦး(ခ)ကတုံးဆိုသူအား သက်ဆိုင်ရာရဲစခန်းတွင် အမှုဖွင့်ပြီး အခြားပြစ်မှုများရှိမရှိ ဆက် လက်စစ်ဆေးခဲ့ရာ ၎င်းသည် ၂၀၁၉ ခုနှစ် ဇန်နဝါရီမှ ဒီဇင်ဘာလအထိ ဒလမြို့နယ် အတွင်းလှည့်လည်၍ ယင်းမြို့နယ်၊ ဆာဖာ ချောင်ရပ်ကွက်၊ ရတနာ့ဂုဏ်ရည်လမ်းရှိ နေ အိမ်တစ်အိမ်ရှေ့တွင်ရပ်ထားသည့် ဆိုင်ကယ်တစ်စီး၊ ရာဇသင်္ကြန်ရပ်ကွက်၊ စပ်စံ ထွန်းလမ်းရှိ နေအိမ်ခြံဝင်းတစ်ခုရှေ့တွင်ရပ် တန့်ထားသည့် ဆိုင်ကယ်တစ်စီး၊ အုတ်လှ ကြီးလမ်းရှိ နေအိမ်ခြံဝင်းတစ်ခုရှေ့တွင်ရပ် ထားသည့် ဆိုင်ကယ်တစ်စီး၊ ကျန်စစ်သား ရပ်ကွက်၊ စျေးလမ်းမပေါ်တွင်ရပ်ထားသည့် စက်ဘီးတစ်စီးနှင့် ယောမင်းကြီးလမ်းမပေါ် တွင်ရပ်ထားသည့် ဆိုင်ကယ်တစ်စီးတို့ကို ခိုး ယူခဲ့သည်ဟု စစ်ဆေးပေါ်ပေါက်ခဲ့ကြောင်း သိရသည်။
ထို့ပြင် ၎င်းင်းသည် ဒလမြို့နယ်၊ ဗညားဒ လရပ်ကွက်၊ အောင်ဆန်းသူရိယလှသောင်း အားကစားကွင်းအနီး နေအိမ်ခြံဝင်းတစ်ခု ရှေ့တွင် ရပ်ထားသည့် စက်ဘီးတစ်စီး၊ တပင်ရွှေထီးရပ်ကွက်၊ ဗိုလ်တေဇ(၉)လမ်းရှိ နေ အိမ်တစ်အိမ်ရှေ့တွင်ရပ်ထားသည့် စက်ဘီးတစ်စီး၊ ကမာကဆစ်ရပ်ကွက်၊ ရာဇသင်္ကြန်လမ်းရှိ နေအိမ်နှစ်အိမ်ရှေ့တွင် ရပ်ထားသည့် စက်ဘီးနှစ်စီး၊ စိန်လမ်းရှိ နေအိမ်တစ်အိမ်အတွင်းမှ ဖုန်းတစ်လုံး၊ တပင်ရွှေထီးရပ်ကွက်၊ ဗိုလ်တေဇ(၉)လမ်းရှိ နေအိမ်တစ်အိမ်အ တွင်းမှ ဖုန်းတစ်လုံးတို့အား ခိုးယူခဲ့သည်ဟု စစ်ဆေးပေါ်ပေါက်ခဲ့ကြောင်း သိရသည်။
ထိုသို့ပေါ်ပေါက်ခဲ့သဖြင့် သက်သေခံ ပစ္စည်းများကို ပြန်လည်သိမ်းဆည်းနိုင်ခဲ့ပြီး ကျူးလွန်သူကို ဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်းနှင့် ခိုးယူခံ ခဲ့ရသည့် ပိုင်ရှင်များအနေဖြင့် ဒလမြို့မရဲစခန်း သို့ ဆက်သွယ်စုံစမ်းနိုင်ကြောင်း ရဲတပ် ဖွဲ့က ထုတ်ပြန်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
