Top News

သထုံမြို့နယ် ပုတိမ်ရိုးကျေးရွာ ရန်ကုန် - မော်လမြိုင်အဝေးပြေးလမ်းတွင် ဇန်နဝါရီ ၁၄ ရက် နံနက်ပိုင်းက မော်တော်ယာဉ်တစ်စီး ဝင်တိုက်မှုကြောင့် ဆွမ်းခံကြွနေသည့် ဦးဇင်းနှစ်ပါး ပျံလွန်တော်မူပြီး ဆွမ်းလောင်းလှူနေသည့် အမျိုးသားတစ်ဦးသေဆုံးမှု ဖြစ်ပွားခဲ့ ကြောင်း သတင်းရရှိသည်။

သထုံမြို့နယ် ပုတိမ်ရိုးကျေးရွာတွင် ဇန်နဝါရီ ၁၄ ရက် နံနက် ၆ နာရီခန့်က သံဃာတော်အပါး ၅၀ ခန့် ဆွမ်းခံကြွရာ ပုတိမ်ရိုးကျေးရွာနေ ဦးအောင်ကျော်လွင်က သံဃာတော်များအား ဆွမ်းလောင်းစဉ် သထုံဘက် မှဘီးလင်းဘက်သို့ ယာဉ်မောင်းအမည်၊ ယာဉ်နံပါတ်၊ ယာဉ်အမျိုးအစား (စုံစမ်းဆဲ) အပြာရောင်မော်တော်ယာဉ်ငယ်သည် ဦး အောင်ကျော်လွင် (၅၄ နှစ်)၊ မိုးကောင်း ကျောင်းတိုက်မှ ဦးဇောတိက (ခ) ဦးစိုးဝင်း (၅၄ နှစ်၊ ငါးဝါ)၊ မိုးကောင်းကျေးရွာ ရွှေပြည် အေးကျောင်းတိုက်မှ ဦးဇင်းပေါက်ကျိုင်း (ခ) ဦးကေသလ (၆၆ နှစ်၊ ငါးဝါ)တို့အား နောက် မှဝင်တိုက်ခဲ့ကြောင်း သိမ်ဆိပ်နယ်မြေရဲစ ခန်းမှ သိရသည်။

ထိုသို့  အပြာရောင်မော်တော်ယာဉ်ငယ် က အနောက်မှဝင်ရောက်တိုက်မိသဖြင့် ဦး အောင်ကျော်လွင်မှာ ဒဏ်ရာများဖြင့် အခင်း ဖြစ်နေရာတွင် သေဆုံးခဲ့ကြောင်း၊  ဦးဇင်းဇော တိကနှင့် ဦးဇင်းပေါက်ကျိုင်းတို့မှာလည်း ဒဏ်ရာများရရှိကာ အခင်းဖြစ်နေရာတွင် ပင် ပျံလွန်တော်မူခဲ့ကြောင်း သိမ်ဆိပ်နယ် မြေရဲစခန်းမှ သိရသည်။

ထိုသို့ဖြစ်ပွားပြီးနောက် ယာဉ်နှင့် ယာဉ်မောင်းမှာ အခင်းဖြစ်နေရာမှ ထွက်ပြေး တိမ်းရှောင်သွားကြောင်း သိရသည်။

ဖြစ်စဉ်နှင့်ပတ်သက်၍ မော်တော်ယာဉ် အား မဆင်မခြင်မောင်းနှင်ပြီး ဆွမ်းလောင်း နေသူအမျိုးသားတစ်ဦးနှင့် ဆွမ်းခံကြွနေသူ ဦးဇင်းနှစ်ပါးအား ဝင်ရောက်တိုက်မိကာသေ ဆုံးစေခဲ့သူ ထွက်ပြေးတိမ်းရှောင်နေသောယာဉ်မောင်းအပေါ်  သိမ်ဆိပ်နယ်မြေရဲစခန်း က ယာဉ် (ပ) ၁/၂၀၂၀၊ ရာဇသတ်ကြီးဥပဒေ ပုဒ်မ ၂၇၉/၃၀၄(က)/၂၀၂ အရ အမှုဖွင့် အရေးယူထားသည်။