ကိုရိုနာဗိုင်းရပ်စ်ရောဂါပိုး ကူးစက်မှုကြောင့် လက်ရှိတွင် သီးခြားနေထိုင်နေရသော မန်စီးတီးတိုက်စစ်မှူး ဂျေးဇူးနှင့် နောက်ခံလူ ကိုင်လီဝေါ်လ်ကာတို့သည် လာမည့်နှစ်သစ် ဇန်နဝါ ရီ(၆)ရက်နေ့တွင် ကစားမည့် လိဂ်ဖလားဆီမီးဖိုင်နယ်ပွဲစဉ် မန်ချက်စတာ ဒါဘီပွဲ၌ ပြန်လည်ကစားနိုင်ဖွယ်ရှိကြောင်း Sky Sports သတင်းဌာနက ဖော်ပြခဲ့သည်။
မန်စီးတီးအသင်းတွင် ၎င်းကစားသမား(၂)ဦးအပြင် အသင်းတာဝန်ရှိသူ(၂)ဦးမှာလည်း ရောဂါပိုးကူးစက်ခံထားရကြောင်း သိရှိရသည်။
သို့ဖြစ်ရာ ၎င်းတို့အား ပရီးမီးယားလိဂ်ပြိုင်ပွဲနှင့် ဗြိတိန်အစိုးရ၏ ရောဂါပိုးကာကွယ်ရေးဆိုင်ရာ ညွှန်ကြားချက်များနှင့်အညီ သီးခြားနေထိုင်စေလျက်ရှိကြောင်းသိရသည်။
စည်းမျဉ်းသတ်မှတ်ချက်များအရ ၎င်းတို့အနေဖြင့် (၁၀)ရက် သီးခြားနေထိုင်ရမည်ဖြစ်ပြီး ပြီးခဲ့သည့်စနေနေ့က နယူးကာဆယ်အသင်းနှင့်ကစားခဲ့သော Boxing Day နေ့ပွဲစဉ်ကို စတင်လွဲချော်ခဲ့ရသည်။
ဂျေးဇူး၊ ကိုင်လီဝေါ်လ်ကာတို့အနေဖြင့် အဲဗာတန်၊ ချယ်လ်ဆီးအသင်းတို့နှင့်ဆက်လက်ကစားရမည့် ပရီးမီးယားလိဂ်အဝေးကွင်းပွဲစဉ်များကို ဆက်၍လွဲချော်မည်ဖြစ်ပြီး ဇန်နဝါရီ (၆)ရက်နေ့တွင်ကစားမည့် လိဂ်ဖလား ဆီမီးဖိုင်နယ်ပွဲစဉ် မန်ချက်စတာဒါ ဘီပွဲ၌ (ရောဂါပိုး ပုံမှန်အတိုင်း ကင်းရှင်းခဲ့ပါက)ပြန်လည်ကစားနိုင်မည်ဖြစ်ကြောင်း သိရသည်။
ကိုင်လီဝေါ်လ်ကာသည် ယခုနှစ်မတ်လအတွင်းက ကိုရိုနာဗိုင်းရပ်စ်ကာကွယ်ထိန်းချုပ်ရေးဆိုင်ရာ သတ်မှတ်ချက်များကို နှစ်ကြိမ်တိုင်ချိုးဖောက်ခဲ့၍ ဝေဖန်မှုများခံခဲ့ရပြီး ပြန်လည်တောင်းပန်ခဲ့ရဖူးသူ ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
