ပရီးမီးယားလိဂ်ဘောလုံးပွဲစဉ်များတွင် ကွင်းအတွင်း မီးခိုးဗုံးများ၊ မီးရှူးမီးပန်းများဖြင့် ပစ်ပေါက်သူများနှင့် ကွင်းအတွင်း ချိုးဖောက်ဝင်ရောက်သူများကို သက်ဆိုင်ရာကလပ်အသင်းများအနေဖြင့် အလိုက်အလျောက် ကွင်းအတွင်းဝင်ရောက်ကြည့်ရှုခွင့် ပိတ်ပင်မည်ဖြစ်ပြီး အနည်းဆုံးတစ်နှစ်ဖြစ်ကြောင်း ပရီးမီးယားလိဂ်က ကြေညာခဲ့သည်။
ပရီးမီးယားလိဂ်ကလပ်အသင်း (၂၀) သည် ဘောလုံးကွင်းများအတွင်း ယဉ်ကျေးမှုမရှိသည့် အပြုအမူများနှင့် ရာဇဝတ်မှုဆန်သည့် လုပ်ရပ်များကို မပေါ်ပေါက်စေရန်အတွက် ယခုကဲ့သို့ ပြစ်ဒဏ်များချမှတ်ချရန် သဘောတူညီခဲ့ခြင်းကြောင်း သိရှိရသည်။
ပရီးမီးယားလိဂ်ကလပ်အသင်း (၂၀)မှ ရှယ်ယာရှင်များသည် စက်တင်ဘာ (၂၁) ရက်တွင် အစည်းအဝေးပြုလုပ်ပြီးနောက် ကွင်းအတွင်း ပရိသတ်များ၏ အပြုအမူများကို ထိန်းသိမ်းနိုင်ရန် ယခုကဲ့သို့ ဆုံးဖြတ်ခဲ့ခြင်းဖြစ်သည်။
ပရီးမီးယားလိဂ်၏ထုတ်ပြန်ချက်တွင် ''ယနေ့ကျင်းပသည့် ပရီးမီးယားလိဂ်ရှယ်ယာရှင်များအစည်းအဝေးတွင် ကွင်းအတွင်း ပရိသတ်များ၏ ယဉ်ကျေးမှုမရှိသည့် အမူအရာများနှင့် ရာဇဝတ်ဆန်သည့် အပြုအမူများကို ထိန်းသိမ်းရန်အတွက် အနိမ့်ဆုံးပြစ်ဒဏ်ကို ကန့်ကွက်သူမရှိဘဲ အားလုံးသဘောတူခဲ့ကြကြောင်း၊ ကွင်းအတွင်း မီးခိုးဗုံး (သို့) မီးရှူးမီးပန်း သယ်ဆောင်သူများနှင့် ကွင်းအတွင်း ခွင့်ပြုချက်မရှိဘဲ ချိုးဖောက်ဝင်ရောက်သူများကို အနည်းဆုံးတစ်နှစ် ကွင်းအတွင်းကြည့်ရှုခွင့် ပိတ်ပင်မည်ဖြစ်ကြောင်း၊ အသက်မပြည့်သေးသူများ ကျူးလွန်ပါက အုပ်ထိန်းသူများပါ ပြစ်ဒဏ်ချမှတ်ခံရမည်ဖြစ်ကြောင်း'' ဖော်ပြပါရှိသည်။
ပြီးခဲ့သည့်ရာသီက ပရီးမီးယားလိဂ်တွင် မီးခိုးဗုံးပစ်ပေါက်မှုနှင့် ပရိသတ်များ ကွင်းအတွင်းဝင် ရောက်မှုများရှိခဲ့ကြောင်း သိရှိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
