မန္တလေးမြို့လယ်ကောင်ဖြစ်သော ၂၆ ဘီ လမ်းပေါ်တွင် ဆိုင်ကယ်စီးလာသူ အမျိုးသားနှစ်ဦးအား သေနတ်ဖြင့် ပစ်ခတ်မှု ဇွန် ၂၇ ရက် ည ၈ နာရီဝန်းကျင်က ဖြစ်ပွားခဲ့ကြောင်း သတင်းရရှိသည်။
ဖြစ်စဉ်မှာ ဇွန် ၂၇ ရက် ည ၈ နာရီဝန်းကျင်ခန့်က ၂၆ ဘီလမ်း ၇၈ လမ်းနှင့် ၇၉ လမ်း ကြားတွင် အမျိုးသားတစ်ဦးနှင့် အမျိုးသမီးတစ်ဦး မောင်းနှင်လာသော ဆိုင်ကယ်ပေါ်မှ အမျိုးသားအား သေနတ်ဖြင့် အနီးကပ်ပစ်ခတ်မှု ဖြစ်ပွားခဲ့ခြင်း ဖြစ်သည်။
ပြည်ကြီးတံခွန်တွင် နေထိုင်သည့် မောင်မိုးဟိန်းကို (၁၇ နှစ်) မောင်းနှင်လာသည့် ဆိုင်ကယ်နှင့် အနီးကပ်ဘေးမှရှိသည့် အခြားဆိုင်ကယ်ပေါ်မှ အမျိုးသားနှစ်ဦးက ပစ်ခတ်ခဲ့ခြင်း ဖြစ်သည်ဟု သိရသည်။
" ကျွန်တော့် သားလေးက ဆိုင်ကယ်မောင်းလာတာ။ သူ့နောက်မှာ သူငယ်ချင်းက ထိုင်လိုက်လာတယ်။ အဲဒီအချိန် ဘေးအနားက ဆိုင်ကယ်ပေါ်ကနေ သေနတ်နဲ့ အနားကပ်ပြီး တေ့ပစ်သွားတာပါ။ နံကြားထဲ ဝင်သွားတာ။ ကျည်ဆန်ဝင်သွားပေမယ့် အသက်အန္တရယ် မစိုးရိမ်ရပါဘူး။ ခွဲစိတ်ဖို့ ပြုလုပ်နေပါတယ်။ တရားခံတွေမိပြီလို့လည်း ကြားတယ်"ဟု သေနတ်ဖြင့် ပစ်ခတ်ခံရသူ၏ဖခင် ဦးခင်မောင်လွင်က ပြောကြားခဲ့သည်။
အဆိုပါဖြစ်စဉ်နှင့် ပတ်သက်၍ မန္တလေးတိုင်းရဲတပ်ဖွဲ့သို့ ဆက်သွယ် မေးမြန်းခဲ့ရာတွင်လည်း " သေနတ်ပစ်ခတ်မှုဖြစ်စဉ် ဖြစ်သွားတာ မှန်ပါတယ်။ အမှုတွက် စစ်ဆေးဆောင်ရွက်မှုတွေ ပြုလုပ်နေတဲ့အတွက် အသေးစိတ် ပြောလို့မရသေးပါဘူး" ဟု ဒုတိယ တိုင်းရဲတပ်ဖွဲ့မှူး ရဲမှူးကြီး မောင်မောင်အေးက ဖြေကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
