ဂျူဗင်တပ်စ်အသင်း၏ အီတလီဝါရင့်နောက်ခံလူ ဘာဇာဂလီက မိမိအနေဖြင့် ယခုရာသီအကုန်တွင် ကစားသမားဘဝမှ အနားယူမည်ဖြစ်ကြောင်း ဧပြီလ (၁၄) ရက်က ထုတ်ပြန်ကြေညာခဲ့သည်။
ဂျူဗင်တပ်စ်အသင်း၏ အီတလီဝါရင့်နောက်ခံလူ ဘာဇာဂလီက မိမိအနေဖြင့် ယခုရာသီအကုန်တွင် ကစားသမားဘဝမှ အနားယူမည်ဖြစ်ကြောင်း ဧပြီလ (၁၄) ရက်က ထုတ်ပြန်ကြေညာခဲ့သည်။
အသက် (၃၇) နှစ်အရွယ်ရှိ ဘာဇာဂလီက ဘောလုံးကစားခြင်းမှာ မိမိ၏ငယ်ဘဝအိပ်မက်ဖြစ်ကြောင်းနှင့် အနားယူပြီးပါက စိတ်အားထက်သန်သည့်အလုပ်များကို လုပ်ကိုင်သွားမည်ဖြစ်ကြောင်း ပြောကြားခဲ့သည်။
ဘာဇာဂလီက "အနာဂတ်အကြောင်း ကျွန်တော် အများကြီးတွေးဖြစ်ပါတယ်။ အခုအချိန်က ကစားသမားဘဝက အနားယူဖို့ အကောင်းဆုံးအချိန်ဖြစ်ပါတယ်။ ဘောလုံးသမားဘဝက အနားယူရင် ကျွန်တော် ဘာလုပ်ရမယ်၊ ဘာလုပ်နိုင်တယ်ဆိုတာကို သိသွားပါပြီ။ ဘောလုံးကစားတာက ကျွန်တော့်ရဲ့ ငယ်ဘဝအိပ်မက်ဖြစ်ပြီး ဒါကို အမြဲတမ်း ကျွန်တော် နှစ်သက်ခဲ့ပါတယ်။ အခုအချိန်ကတော့ ကျွန်တော့်အနေနဲ့ စိတ်ခံစားမှုရှိတဲ့ အလုပ်တွေကို လုပ်ကိုင်သွားရမယ့် အချိန်ဖြစ်ပါတယ်"ဟု ပြောကြားခဲ့သည်။
ဘာဇာဂလီသည် ပရော်ဖက်ရှင်နယ်ကစားသမားဘဝကို ၁၉၉၈ ခုနှစ်တွင် အီတလီကလပ် ရွန်ဒီနယ်လာအသင်းနှင့်အတူ စတင်ခဲ့ပြီး ဂျူဗင်တပ်စ်အသင်းကိုမူ ၂၀၁၁ ခုနှစ်က ဝုလ်ဖ်ဘတ်အသင်းမှ ရောက်ရှိလာခဲ့သည်။
ဘာဇာဂလီသည် ကစားသမားဘဝတွင် ကလပ်ပေါင်း (၉) သင်းအထိ ကစားထားခဲ့ပြီး ဂျူဗင်တပ်စ်အသင်းနှင့်အတူ စီးရီးအေချန်ပီယံဆု (၇) ကြိမ်အပါအဝင် ပြည်တွင်းဆုဖလားများရရှိခဲ့သလို၊ ၂၀၀၆ ကမ္ဘာ့ဖလားချန်ပီယံ အီတလီအသင်းတွင် ပါဝင်ခဲ့သူလည်း ဖြစ်သည်။
ဘာဇာဂလီသည် ယခုရာသီတွင် ဂျူဗင်တပ်စ်အသင်း၌ ပုံမှန်ပွဲထွက်ခွင့်ပျောက်ဆုံးနေပြီး ပြိုင်ပွဲစုံ (၉) ပွဲသာ ပါဝင်ကစားခွင့်ရထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
