Top News

မတ် ၁၈ ရက်တွင် ထိုင်း၌ ကိုရိုနာဗိုင်းရပ်စ် ကူးစက်မှုသစ် ၃၅ မှု ထပ်တိုးလာခြင်းကြောင့် ကူးစက်မှုစုစုပေါင်း ၂၁၂ မှုထိရှိလာကြောင်း ရောဂါထိန်းချုပ်ရေးဌာနမှ တာဝန်ရှိသူတစ်ဦးက ပြောကြားခဲ့သည်။

ထိုင်းတွင် ဗိုင်းရပ်စ်ကြောင့် သေဆုံးသူတစ်ဦး ရှိခဲ့သည်။ ကူးစက်ခံရသူ ၄၂ ဦးမှာ ပြန်လည်ကျန်းမာလာသည့်အတွက် နေအိမ်သို့ ပြန်သွားကြပြီဖြစ်သည်။

မတ် ၁၈ တွင် စစ်ဆေးတွေ့ရှိခဲ့သည့် ဗိုင်းရပ်စ်ကူးစက်ခံရသူများထဲမှ အချို့မှာ ယခင်ကတွေ့ရှိထားသည့် ကူးစက်မှုများနှင့် ဆက်နွှယ်နေပြီး ကျန်သူများမှာ ပြည်ပသို့သွားရောက်ခြင်းများနှင့် ဆက်နွှယ်နေကြောင်း အဆိုပါတာဝန်ရှိသူက ဆိုသည်။