Top News

မလေးရှားတွင် ဆာရာဝပ်ပြည်နယ်မှ အသက် ၆၀ ရှိ သင်းအုပ်ဆရာနှင့် ဆရီပီတာလင်းတွင် အစ္စလာမ်ဘာသာရေးအခမ်းအနား တက်ရောက်ခဲ့သော အသက် ၃၄ နှစ်ရှိ အမျိုးသားတစ်ဦးတို့သည် COVID- 19 ကူးစက်ခံရပြီးနောက် မတ် ၁၇ တွင် သေဆုံးခဲ့ကြောင်း ကျန်းမာရေးဝန်ကြီး အက်ဟမ်ဘာဘာက ပြောကြားခဲ့သည်။

မလေးရှားတွင် မတ် ၁၇ ၌ ကူးစက်မှု သစ် ၁၂၀ ဖြစ်ပွားခဲ့ပြီး ကူးစက်မှုစုစုပေါင်း ၆၇၃ မှုအထိ မြင့်တက်လာကြောင်းလည်း ၎င်းက အတည်ပြုခဲ့သည်။ ထိုကူးစက်မှုများအနက် အများအပြားသည် ဖေဖော်ဝါရီ ၂၇ မှ မတ် ၁ အကြား ဆရီပီတာလင်းဗလီတွင် ကျင်းပခဲ့သော ဘာသာရေးအခမ်းအနားသို့ တက်ရောက်ခဲ့သူများနှင့် ဆက်နွှယ်နေကြောင်း သိရသည်။

မလေးရှားသည် နိုင်ငံသားများအား ပြည်ပထွက်ခွာမှုနှင့် နိုင်ငံခြားသားများအားနိုင်ငံထဲသို့ ဝင်ရောက်မှုအား မတ် ၁၈ မှစ၍ နှစ်ပတ်ကြာ ပိတ်ပင်ခဲ့သည်။