Top News

ဖိလစ်ပိုင်တွင် မတ် ၁၇ ၌ COVID-19 ကူးစက်မှုသစ် ၄၅ မှု ဖြစ်ပွားခဲ့ရာ စုုစုပေါင်း ကူးစက်မှု ၁၈၇ မှုအထိ မြင့်တက်ခဲ့ကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။ လူတစ်ဦးနှင့်တစ်ဦးအကြား သင့်တော်သော အကွာအဝေးဖြင့် နေထိုင်ကြရန် နှိုးဆော်မှုများသည် မအောင်မြင်ခဲ့သဖြင့် မြို့တော် မနီလာပါဝင်သော အဓိကကျွန်းစု လူဇုန်တွင် လူ ၅၅ သန်းကို နေအိမ်ထဲ၌သာ နေကြရန် အစိုးရက ညွှန်ကြားခဲ့သည်။

Philippine Airlines က မတ် ၂၀ မှ စတင်၍ နိုင်ငံတကာခရီးစဉ်များ ပြေးဆွဲမှု ရပ်ဆိုင်းမည်ဟု မတ် ၁၇ တွင် ကြေညာခဲ့သည်။ မြို့တော်နှင့် အနီးရှိ ပြည်နယ်များတွင် လနှင့်ချီကြာမည့် ရောဂါခြေချုပ်ဖြင့်နေထိုင်ရန် စည်းမျဉ်းများ ချမှတ်ထားသည်။ ဖိလစ်ပိုင်တွင် ကိုရိုနာ ဗိုင်းရပ်စ်ကြောင့် သေဆုံးသူ ၁၀ ဦးကျော် ရှိလာခဲ့သည်။