အမေရိကန်သမ္မတဟောင်း ဂျင်မီကာတာသည် ဒီဇင်ဘာ ၂၉ ရက်က ကွယ်လွန်သွားခဲ့ကြောင်း ၎င်းထူထောင်ခဲ့ည့် ကာတာစင်တာဖောင်ဒေးရှင်းက အတည်ပြုခဲ့သည်။
ကာတာသည် အောက်တိုဘာလက အသက် ၁၀၀ ပြည့်မွေးနေ့ကို ဆင်နွှဲခဲ့ခြင်းဖြစ်ပြီး အမေရိကန်သမိုင်းတွင် အသက်အကြီးဆုံးနေထိုင်ခဲ့သည့် သမ္မတတစ်ဦးဖြစ်လာခဲ့သည်။
ကာတာသည် ဂျော်ဂျီယာပြည်နယ် ပလိန်းစ်မြို့ရှိ ၎င်း၏နေအိမ်တွင် ကွယ်လွန်သွားခဲ့ခြင်းဖြစ်ကြောင်း ကမ္ဘာတစ်ဝန်းရှိ ဒီမိုကရေစီနှင့် လူ့အခွင့်အရေးများကို ထောက်ခံအားပေးသည့် ကာတာစင်တာက ပြောကြားခဲ့သည်။
ဒီမိုကရက်တစ်ဦးဖြစ်သည့် ကာတာသည် စီးပွားရေးနှင့် သံတမန်အကျပ်အတည်များ ဝိုင်းရံဖိစီးနေသည့်ကာလဖြစ်သည့် ၁၉၇၇ ခုနှစ်မှ ၁၉၈၁ ခုနှစ်အထိ အမေရိကန်သမ္မတအဖြစ် တာဝန်ထမ်းဆောင်ခဲ့သည်။
ကာတာသည် သမ္မတအိမ်ဖြူတော်မှ ထွက်ခွာခဲ့ချိန်တွင် လူထုထောက်ခံမှုနှုန်းကျဆင်းခဲ့သော်လည်း လူသားချင်းစာနာထောက်ထားမှုဆိုင်ရာ အားထုတ်ကြိုးပမ်းမှုများဖြင့် ၎င်း၏ ဂုဏ်သတင်း ပြန်လည်မြင့်တက်ခဲ့ကာ ၂၀၀၂ ခုနှစ်တွင် ငြိမ်းချမ်းရေးနိုဘယ်ဆု ရရှိခဲ့သည်။
၂၀၁၈ ခုနှစ်တွင် သမ္မတဟောင်း ဂျော့အိတ်ချ်ဒဗလျူဘုရှ် ကွယ်လွန်ခဲ့ပြီးကတည်းက ကာတာသည် အသက်အရှည်ဆုံးနေထိုင်ခဲ့သည့် အမေရိကန်သမ္မတအဖြစ် မှတ်တမ်းဝင်ခဲ့ခြင်းဖြစ်သည်။
ကာတာသေဆုံးမှုကို ဝမ်းနည်းကြောင်းဖော်ပြသည့်အနေဖြင့် အိမ်ဖြူတော်တွင် အမေရိကန်အလံကို တစ်ဝက်ချပြီး လွှင့်ထူခဲ့သည်။
ကာတာ၏ ဇနီးဖြစ်သူ ရိုစလင်းသည် ၂၀၂၃ ခုနှစ် နိုဝင်ဘာလက ကွယ်လွန်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
