Top News

မန်စီးတီးအသင်း၏ ကွင်းလယ်ကစားသမား ဒီဘရိုင်းနားက လက်ရှိအသင်းနှင့် စာချုပ်သက်တမ်းတိုးရန် ဆွေးနွေးခြင်းမရှိသေးဟု ထုတ်ဖော် ပြောကြားခဲ့သည်။

ဒီဘရိုင်နား(၃၃ နှစ်)သည် လာမည့်နွေရာသီတွင် မန်စီးတီးအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး မိသားစုအတွက် ဦးစားပေးရမည့်အချိန် ရောက်ရှိနေပြီဟု ပြောကြားခဲ့သည့်အတွက် မန်စီးတီးနည်းပြ ဂွါဒီယိုလာနှင့် ဆက်ဆံရေးအဆင် မပြေဖြစ်ခဲ့ကြောင်း သတင်းထွက်ခဲ့သည်။

ဘယ်လ်ဂျီယံကွင်းလယ်ကစားသမား ဒီဘရိုင်းနားသည် မန်စီးတီးအသင်း၏ အဓိကအစိတ်အပိုင်းတစ်ရပ်အဖြစ် ကာလရှည်ခြေစွမ်းပြခဲ့သူဖြစ်သော်လည်း လက်ရှိအချိန်တွင်မူ ၎င်း၏ အသက်အရွယ်ကြောင့် မန်စီးတီးအသင်းက သက်တမ်းတိုးလို ခြင်းမရှိတော့ကြောင်း သိရသည်။

ထို့ကြောင့် ဒီဘရိုင်းနားအနေဖြင့် မေဂျာလိဂ် သို့မဟုတ် ဆော်ဒီလိဂ်သို့ ရောက်ရှိဖွယ်ရှိကြောင်း သတင်းထွက်နေချိန်တွင် ၎င်းက စာချုပ်ကိစ္စ နှင့်ပတ်သက်၍ မန်စီးတီးအသင်းနှင့် ဆွေးနွေးရခြင်းမရှိသေးကြောင်း ပြောကြားခဲ့ခြင်းဖြစ်သည်။

''No.၊ ဘာမှ မဆွေးနွေးရသေးပါဘူး''ဟု စာချုပ်ကိစ္စအတွက် ဒီဘရိုင်းနားက ပြောကြားခဲ့သော်လည်း ဆွေးနွေးသွားရန် ဆန္ဒရှိသည်ဟုလည်း ဆိုခဲ့သည်။

ဒီဘရိုင်းနားသည် စာချုပ်သက်တမ်းနောက်ဆုံးနှစ်သို့ ရောက်ရှိလာပြီဖြစ်သည့်အတွက် လာမည့် ဇန်နဝါရီအပြောင်းအရွှေ့ တွင် ၎င်းင်းအား ခေါ်ယူရန် စိတ်ဝင်စားသည့် အသင်းများနှင့် ဆွေးနွေးညှိ နှိုင်းခွင့် ရရှိမည်ဖြစ်ကြောင်းလည်း သိရသည်။

ထို့ကြောင့် မေဂျာလိဂ်ကလပ်အသင်းများနှင့် ဆော်ဒီလိဂ်ကလပ်အသင်းများက ၎င်းအား ခေါ်ယူရန် စိတ်ဝင်စားနေသလို၊ ယခုအခါ တူရကီကလပ် ဖီနာဘာချီအသင်းလည်း ပါဝင်လာခဲ့ခြင်းဖြစ်သည်။  

ဖီနာဘာချီအသင်းက ၎င်းကို တစ်ပတ် ပေါင်(၂၅၀၀၀၀)ဖြင့် ကမ်းလှမ်းဖွယ်ရှိကြောင်း သိရသည်။