အေစီမီလန်အသင်းသည် နည်းပြ ဖွန်ဆီကာကို ရာထူးမှ ထုတ်ပယ်လိုက်ပြီးနောက် နည်းပြသစ်အဖြစ် ကွန်ဆေးဆာအိုကို အစားထိုးခန့်အပ်လိုက်ကြောင်း တနင်္လာနေ့တွင် အတည်ပြုကြေညာခဲ့သည်။
အသက် (၅၁)နှစ်အရွယ် ပေါ်တူဂီနည်းပြဖြစ်သူ ဖွန်ဆီကာသည် ယခုနွေရာသီတွင် အေစီမီလန်နည်းပြအဖြစ် သုံးနှစ်စာချုပ်ဖြင့် ခန့်အပ်ခံခဲ့ရသူဖြစ်သည်။
သို့သော် အေစီမီလန်အသင်းအနေဖြင့် စီးရီးအေပြိုင်ပွဲ၌ ရုန်းကန်နေရပြီး ချန်ပီယံလိဂ်ဝင်ခွင့် အဆင့် (၄)နေရာနှင့် အမှတ်ပြတ်နေသောကြောင့် ဖွန်ဆီကာ၏အနာဂတ်မှာ မရေမရာဖြစ်လာခဲ့ပြီးနောက် ရာထူးမှ ထုတ်ပယ်ခံခဲ့ရခြင်းဖြစ်သည်။
အေစီမီလန်အသင်းသည် ဖွန်ဆီကာလက်ထက်၌ ပြိုင်ပွဲစုံ (၂၄)ပွဲယှဉ်ပြိုင်ကစားရာတွင် (၁၂)ပွဲနိုင်၊ ခြောက်ပွဲသရေ၊ ခြောက်ပွဲရှုံးနိမ့်ခဲ့သည်။
အေစီမီလန်အသင်းအနေဖြင့် ၎င်း၏နေရာတွင် ပေါ်တိုအသင်းနည်းပြဟောင်းဖြစ်သည့် ပေါ်တူဂီနည်းပြ ကွန်ဆေးဆာအို (၅၀ နှစ်)ကို အစားထိုးခန့်အပ်ခဲ့ကြောင်း သိရသည်။
ကွန်ဆေးဆာအိုသည် ဒီဇင်ဘာ(၃၀)ရက်တွင် မီလန်သို့ရောက်ရှိလာပြီး အပြီးသတ်စာချုပ် ချုပ်ဆိုခဲ့ခြင်းဖြစ်သည်။
အေစီမီလန်အသင်းသည် ကွန်ဆေးဆာအိုကို ၂၀၂၆ ခုနှစ် ဇွန်လအထိ စာချုပ်ချုပ်ဆိုခဲ့ခြင်းဖြစ်ပြီး ယခုရာသီကုန်အထိ လစာ ယူရို(၁)သန်း ပေးချေသွားမည်ဖြစ်ကြောင်း အီတလီမီဒီယာများက ဖော်ပြခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
