Top News

ဇန်နဝါရီ

ဇန်နဝါရီ  ၂      ■        NLD ပါတီမှ ဒေါက်တာအောင်မိုးညိုဦးဆောင်သော အဖွဲ့ နှင့် အနိုင်ရတိုင်းရင်းသားပါတီ သုံးပါတီ ကချင်ပြည်နယ် မြစ်ကြီးနားမြို့တွင် တွေ့ဆုံဆွေးနွေး။

■ မွန်ပြည်နယ်ဝန်ကြီးချုပ်၏ ရွေးကောက်ပွဲကုန်ကျစရိတ်ကို လုပ်ငန်းရှင်များ ထောက်ပံ့မှုတွင် အဂတိနှင့်ငြိစွန်းသည့် လုပ်ဆောင်ချက် မတွေ့ရှိဟု NLD ပါတီ ဗဟိုအလုပ်အမှုဆောင်အဖွဲ့ဝင် ပြောကြား။

ဇန်နဝါရီ  ၃      ■        တပ်မတော်က အာဏာသိမ်းမည်ဟု Facebook တွင် Live လွှင့်သူအား တိုင်းဒေသကြီးလွှတ်တော်ကိုယ်စားလှယ်က ဒလမြို့မရဲစခန်း၌ ဆက်သွယ်ရေးဥပဒေပုဒ်မ ၆၈ (က) ဖြင့် အမှုဖွင့်။

ဇန်နဝါရီ  ၆      ■        ဖာပွန်ခရိုင်အတွင်းရှိ တပ်မတော်စခန်းများ ရုပ်သိမ်းပေးရန် တပ်မတော်၏ စစ်ရေးလှုပ်ရှားများ ရပ်တန့်ပေးရန် ဒေသခံများ ဆန္ဒထုတ်ဖော်။

ဇန်နဝါရီ  ၇      ■        ရွေးကောက်ပွဲပြုလုပ်ရန် ကျန်နေသည့် ရခိုင်ပြည်နယ် မြို့နယ်ကိုးခုနှင့် ရှမ်းပြည်နယ်ရှိ မြို့နယ်တစ်ခုတွင် ရွေးကောက်ပွဲအမြန်ဆုံး ပြုလုပ်ရန် အလေးထားတိုက်တွန်းကြောင်း တပ်မတော်ထုတ်ပြန်။

          ■        ရခိုင်အမျိုးသား ပါတီနှင့် ရခိုင်မျိုးနွယ်စု တိုင်းရင်းသားလူမျိုးများ၏ လူမျိုးစုတိုင်းရင်းသားမျိုးနွယ်ဆိုင်ရာ ပေါင်းစပ်ညှိနှိုင်းရေးကော်မတီ တွေ့ဆုံဆွေးနွေး။

ဇန်နဝါရီ  ၈      ■        ရွေးကောက်ပွဲအရှုံးကို လက်မခံဘဲ မဟုတ်မမှန်ပြောကြား နေသည့် အဖွဲ့များ၊ လူပုဂ္ဂိုလ်များအနေဖြင့် ကိုယ့်နိုင်ငံရေး ကိုယ်ပြန်သတ်သည့် နိုင်ငံရေး ဆွဲကြိုးချခြင်းဖြစ်လိမ့်မည်ဟု နိုင်ငံတော်သမ္မတရုံး ပြောရေးဆိုခွင့် ရှိသူ ပြောကြား။

ဇန်နဝါရီ  ၈      ■        ရွေးကောက်ပွဲပြီးနောက် ပြန်လည်ဆန်းစစ်ရာတွင် တရားမျှတမှုမရှိသည့် အခြေအနေများနှင့် မရိုးသားမှုများကို တွေ့ရှိရသဖြင့် ဝေဖန် ထောက်ပြမှုများ လုပ်ဆောင်နေရခြင်းဖြစ်ကြောင်း တပ်မတော်ကာကွယ်ရေးဦးစီးချုပ် ပြောကြား။

ဇန်နဝါရီ  ၁၀    ■        ကချင်ပြည်နယ်အတွင်းရှိ တိုင်းရင်းသားလက်နက်ကိုင် အဖွဲ့အစည်းများအနေဖြင့် ပြည်ထောင်စုငြိမ်းချမ်းရေး လုပ်ငန်းစဉ်များ တွင် အပြည့်အဝ ပူးပေါင်းပါဝင်ဆောင်ရွက်ကြရန် လိုအပ်ကြောင်း နိုင်ငံတော် သမ္မတ ပြောကြား။

          ■ ၂၀၂၀ ရွေးကောက်ပွဲနှင့်ပတ်သက်၍ UEC ၏ ဆောင်ရွက်ချက်များကို မကျေနပ်ဟုဆိုကာ ပြည်ခိုင်ဖြိုးပါတီက ဦးဆောင်ပြီး နေပြည်တော်တွင် ဆန္ဒထုတ်ဖော်။

ဇန်နဝါရီ  ၁၁    ■   နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တရုတ်နိုင်ငံခြားရေးဝန်ကြီး မစ္စတာဝမ်ရိ တွေ့ဆုံခဲ့ပြီး မန္တလေး-ကျောက်ဖြူ ရထားလမ်းစီမံကိန်း ဖြစ်နိုင်ခြေလေ့လာမှုဆိုင်ရာ နားလည်မှုစာချွန်လွှာ အပါအဝင် စာချုပ်အချို့ လက်မှတ်ရေးထိုး။

          ■        ဒုတိယအကြိမ် ပြည်ထောင်စုလွှတ်တော်အထူးအစည်း အဝေး ခေါ်ယူကျင်းပပေးရန် တပ်မတော်သားများအပါအဝင် လွှတ်တော်ကိုယ်စားလှယ် ၂၀၃ ဦးက လွှတ်တော်နာယကထံ တောင်းဆို။

ဇန်နဝါရီ  ၁၂    ■        ၂၀၂၀ ရွေးကောက်ပွဲတွင် မဲစာရင်းအမှားအယွင်းများနှင့် ပတ်သက်၍ တပ်မတော်၏ မဲစာရင်းစိစစ်နေသည့်အခြေအနေများကို တရုတ် နိုင်ငံခြားရေးဝန်ကြီးနှင့်တွေ့ဆုံစဉ် တပ်မတော်ကာကွယ်ရေးဦးစီးချုပ် ထည့်သွင်းဆွေးနွေး။

ဇန်နဝါရီ  ၁၇    ■        ပခုက္ကူခရိုင် ရေစကြိုမြို့တွင် တပ်မတော်အား ထောက်ခံကြောင်းနှင့် UEC ကို ဆန့်ကျင်ရှုတ်ချကြောင်း အင်အား ၃၀၀၀ ခန့်ဖြင့် ဆန္ဒထုတ်ဖော်။

ဇန်နဝါရီ  ၂၀    ■        ၂၀၂၀ ရွေးကောက်ပွဲရလဒ် အငြင်းပွားမှုများနှင့်ပတ်သက်၍ နိုင်ငံရေးအကျပ်အတည်းများကို ကျော်လွှားနိုင်ရန် နိုင်ငံတော်အစိုးရ၊ ပြည် ထောင်စုလွှတ်တော်နှင့် ပြည်ထောင်စုရွေးကောက်ပွဲကော်မရှင် အနေဖြင့် နည်းလမ်းရှာဖွေဖြေရှင်းပေးရန် တပ်မတော် ထုတ်ပြန်။

ဇန်နဝါရီ  ၂၂    ■        တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ရုရှားနိုင်ငံ ကာကွယ်ရေးဝန်ကြီး နေပြည်တော်၌ တွေ့ဆုံဆွေးနွေး။

ဇန်နဝါရီ  ၂၆    ■        တပ်မတော်အနေဖြင့် အာဏာမသိမ်းဟု မှတ်ယူ၍မရ ကြောင်း တပ်မတော်သတင်းမှန်ပြန်ကြားရေးအဖွဲ့မှ ဗိုလ်ချုပ်ဇော်မင်းထွန်း ပြောကြား။

ဇန်နဝါရီ  ၂၈    ■        မဲဆန္ဒရှင်ပြည်သူလူထု၏ သဘောဆန္ဒကို ပြောင်းလဲမည် ဆိုပါက  ဖွဲ့စည်းပုံ အခြေခံဥပဒေ၊ ရွေးကောက်ပွဲဥပဒေများကို ချိုးဖောက် ခြင်းဖြစ်ပြီး မဲဆန္ဒရှင်များ၏ဆန္ဒကိုလည်း ဆန့်ကျင်ရာရောက်ဟု UEC ထုတ်ပြန်။

ဇန်နဝါရီ  ၂၉    ■        နေပြည်တော်ရှိ ပြည်ထောင်စု တရားလွှတ်တော်ချုပ်ရုံးအနီး ပြည်ခိုင်ဖြိုးပါတီဝန်းရံသူများ လှည့်လည်ခဲ့ပြီး ရဲတပ်ဖွဲ့က လုံခြုံရေးတင်း ကျပ်ခဲ့။

ဇန်နဝါရီ  ၃၀    ■        တပ်မတော်အနေဖြင့် တည်ဆဲ ၂၀၀၈ ဖွဲ့စည်းပုံအခြေခံဥပဒေ ကို ကာကွယ်စောင့်ရှောက်လျက် ပြဋ္ဌာန်းထားသည့် ဥပဒေဘောင်အတွင်းမှသာ ဥပဒေနှင့်အညီ ဆောင်ရွက်မည်ဟု ထုတ်ပြန်။

ဖေဖော်ဝါရီ

ဖေဖော်ဝါရီ  ၁   ■        သမ္မတရုံး၏ ဥပဒေကဲ့သို့ အာဏာတည်သောအမိန့်အမှတ် ၁/၂၀၂၁ ဖြင့် နိုင်ငံတော်အား အရေးပေါ်အခြေအနေ ကြေညာခဲ့ပြီး နိုင်ငံတော်တာဝန်များကို တပ်မတော်က လွှဲပြောင်းရယူ။

          ■        ယာယီသမ္မတ ဦးမြင့်ဆွေနှင့် တပ်မတော်ကာကွယ်ရေးဦးစီးချုပ်တို့ ဦးဆောင်သည့် အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေး ကျင်းပ။

ဖေဖော်ဝါရီ  ၂   ■ ဗိုလ်ချုပ်မှူးကြီး မင်းအောင်လှိုင် ဥက္ကဋ္ဌအဖြစ် တာဝန်ယူမည့် နိုင်ငံတော်စီမံအုပ်ချုပ်ရေးကောင်စီ ဖွဲ့စည်းပြီး အစိုးရထိပ်ပိုင်း ရာထူးများ ပြောင်းလဲခန့်အပ်မှုများပြုလုပ်။

ဖေဖော်ဝါရီ  ၃   ■        နေပြည်တော် စည်ပင်ဧည့်ရိပ်သာအတွင်းရှိ ရွေးကောက်ခံ လွှတ်တော်ကိုယ်စားလှယ်များအား ၂၄ နာရီအတွင်း နေရပ်ပြန်ရန် ညွှန်ကြားချက်ကြောင့် ကိုယ်စားလှယ်များ ပြန်လည်ထွက်ခွာ။

ဖေဖော်ဝါရီ  ၄   ■ သမ္မတဦးဝင်းမြင့်နှင့်မိသားစုကို နိုင်ငံတော်သမ္မတအိမ်တော်မှ အခြားနေအိမ်သို့ပြောင်းရွှေ့ခဲ့ပြီး NLD ပါတီ သဘာပတိအဖွဲ့ဝင် ဦးဝင်း ထိန် ဖမ်းဆီးခံရ။

ဖေဖော်ဝါရီ  ၅   ■ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက မြန်မာနိုင်ငံ ဘဏ်များအသင်း၊ ပုဂ္ဂလိကဘဏ်များမှ တာဝန်ရှိသူများနှင့်တွေ့ဆုံ၍ ဘဏ်လုပ်ငန်းများ ပုံမှန်လည်ပတ်စေရန် ဆွေးနွေး။

          ■        နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌနှင့် ကုလ သမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့ Video Conferencing ဖြင့် တွေ့ဆုံဆွေးနွေးခဲ့ပြီး မြန်မာနိုင်ငံတွင် အရေးပေါ် အခြေအနေ ကြေညာမှုနှင့်ပတ်သက်၍ တပ်မတော်ရှင်းပြ။

ဖေဖော်ဝါရီ  ၈   ■        အရေးပေါ်ကာလဆိုင်ရာပြဋ္ဌာန်းချက်များနှင့်အညီ ဆောင် ရွက်ပြီးစီးပါက ၂၀၀၈ ခုနှစ်ဖွဲ့စည်းပုံအခြေခံဥပဒေနှင့်အညီ ရွေးကောက်ပွဲ ပြန်လည်ကျင်းပပြီး အနိုင်ရသည့်ပါတီအား နိုင်ငံတော်တာဝန်လွှဲအပ်နိုင် ရေး ဆက်လက်ဆောင်ရွက်သွားမည်ဖြစ်ကြောင်း တပ်မတော်ကာကွယ်ရေး ဦးစီးချုပ် ပြောကြား။

ဖေဖော်ဝါရီ  ၁၀ ■        NLD ဌာနချုပ်ရုံးကို ချိုးဖျက်ဝင်ရောက်စီးနင်းခဲ့သူများ အနေဖြင့် တာဝန်ခံဖြေရှင်းဆောင်ရွက်ပေးရန်နှင့် ထိုသို့ ဥပဒေမဲ့ကျူးလွန် ခြင်းကို ပြင်းထန်စွာကန့်ကွက်ရှုတ်ချကြောင်း NLD ပါတီ ဗဟိုအလုပ်အမှု ဆောင်အဖွဲ့ ကြေညာ ။

ဖေဖော်ဝါရီ  ၁၂ ■ ဒေါက်တာအေးမောင်နှင့် စာရေးဆရာဝေဟင်အောင် ပြစ်ဒဏ်လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်။

ဖေဖော်ဝါရီ  ၁၃ ■ ဧည့်စာရင်း ပြန်လည်တိုင်ကြားရမည့် ပုဒ်မပြင်ဆင်ချက်အပါအဝင် ရပ်ကွက်သို့မဟုတ် ကျေးရွာအုပ်ချုပ်ရေးဥပဒေအား စတုတ္ထအကြိမ် ပြင်ဆင်သည့်ဥပဒေကို နိုင်ငံတော်စီမံအုပ်ချုပ်ရေးကောင်စီ ပြဋ္ဌာန်း။

ဖေဖော်ဝါရီ  ၂၄ ■ နိုင်ငံခြားရေးဝန်ကြီး ဦးဝဏ္ဏမောင်လွင်နှင့် အင်ဒိုနီးရှားနိုင်ငံ ခြားရေးဝန်ကြီး မာဆူဒီတို ထိုင်းနိုင်ငံတွင် တွေ့ဆုံ။

                                      မတ်

မတ်  ၁ ■        ဦးဝင်းမြင့်အား ပုဒ်မ ၅၀၅ (ခ) နှင့် ဒေါ်အောင်ဆန်းစုကြည်အား ပုဒ်မ ၅၀၅ (ခ)၊ ဆက်သွယ်ရေးဥပဒေပုဒ်မ ၆၇ တို့ဖြင့် ထပ်ထိုးတရားစွဲဆို။

မတ်  ၃ ■        ငြိမ်းချမ်းရေး လုပ်ငန်းစဉ်များနှင့် ပတ်သက်ပြီး နိုင်ငံတော် စီမံအုပ်ချုပ်ရေးကောင်စီက ပထမအကြိမ် အစည်းအဝေးပြုလုပ်။

                                      ဧပြီ

ဧပြီ  ၂၀          ■        CDM လှုပ်ရှားမှုများနှင့်ပတ်သက်၍ ပုဒ်မ ၅၀၅ (က) ဖြင့် အမှုဖွင့်ထားသည့် ဆရာဝန်များအား နိုင်ငံကူးလက်မှတ်များ ပယ်ဖျက်ခြင်း နှင့် သက်ဆိုင်ရာဌာနများတွင် Black List စာရင်းသွင်းထားကြောင်း ထုတ် ပြန်။

ဧပြီ  ၂၂          ■        တက္ကသိုလ်အဆင့်များကို မေလဆန်းတွင်ဖွင့်လှစ်နိုင်ရန် နှင့်အခြေခံပညာကျောင်းများအား ဇွန်လဆန်းတွင် ဖွင့်လှစ်နိုင်ရန်စီစဉ်နေကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီးမင်း အောင်လှိုင် ပြောကြား။

ဧပြီ  ၂၃          ■        တပ်မတော် အပါအဝင် တိုင်းရင်းသားလက်နက်ကိုင်များအားလုံး စစ်ရှိန်လျှော့ပြီး တွေ့ဆုံညှိနှိုင်းမှုကို ဦးစားပေးဆောင်ရွက်ရန် ကျားဖြူပါတီ တိုက်တွန်း။

ဧပြီ  ၂၄          ■        အင်ဒိုနီးရှားနိုင်ငံတွင် ကျင်းပသည့် အာဆီယံ အရေးပေါ် ထိပ်သီးဆွေးနွေးပွဲ တစ်ရပ်အတွင်း ဗိုလ်ချုပ်မှူးကြီးမင်းအောင်လှိုင်နှင့် အာဆီယံဒေသတွင်းခေါင်းဆောင်များ တွေ့ဆုံ။

                       ■        မြန်မာ့အရေးဆိုင်ရာ အာဆီယံခေါင်းဆောင်များ အစည်း အဝေးတွင် ဘုံသဘောတူညီချက်ငါးချက်ရရှိ။

ဧပြီ  ၂၆          ■        ဒုတိယဗိုလ်ချုပ်ကြီး ရာပြည့် ဦးဆောင်သော NSPC နှင့် DKBA အဖွဲ့၊ KNU/KNLA(PC)  အဖွဲ့တို့ နေပြည်တော်၌ သီးခြားစီ တွေ့ဆုံဆွေးနွေး။

ဧပြီ  ၂၉          ■        မကွေးလေတပ်စခန်းနှင့် မိတ္ထီလာလေတပ်စခန်း ရှော့တိုက် ဒုံးဖြင့် ပစ်ခတ်ခံရ။

          ■        ကျောင်းဖွင့်ချိန်တွင် လုံခြုံရေးဆိုင်ရာကိစ္စရပ်များနှင့်ပတ်သက်၍ လိုအပ်သည်များ စီမံဆောင်ရွက်နေကြောင်း သတင်းထုတ်ပြန်ရေး အဖွဲ့ ပြောကြား။

ဧပြီ  ၃၀          ■ တပ်မတော်၏ စစ်ရေးဆိုင်ရာလှုပ်ရှားမှုများကို မေ ၃၁ ရက် အထိ ထပ်မံရပ်ဆိုင်းထားမည်ဖြစ်ကြောင်း ကြေညာ။

          ■ မြန်မာ့အရေး အာဆီယံဘုံသဘောတူညီချက်အတိုင်း လက် တွေ့ဆောင်ရွက်ရန် ကုလသမဂ္ဂ လုံခြုံရေးကောင်စီ တိုက်တွန်း။

မေ

မေ  ၁ ■ ကချင်ပြည်နယ် မိုးမောက်မြို့နယ်၌ ဖြစ်ပွားနေသော တိုက်ပွဲ အတွင်း တပ်မတော်ရဟတ်ယာဉ်တစ်စင်းကို ပစ်ချခဲ့ကြောင်း KIO ဘက်က ပြောကြား။

မေ  ၃         ■ နိုင်ငံတော်စီမံအုပ်ချုပ်ရေးကောင်စီအနေဖြင့် သဘောတူထား သည့် ဘုံသဘောတူညီချက်များကို တာဝန်ခံစေရေးထိန်းသိမ်းပေးရန် အမေရိကန်က အာဆီယံဥက္ကဋ္ဌကို ဖိအားပေး။

          ■ မြန်မာနိုင်ငံနှင့်ပတ်သက်၍ ပိတ်ဆို့မှုများ ချမှတ်ခြင်းထက် စာလျှင် ပုံမှန်သို့ပြန်လည်ရောက်ရှိရေးနှင့် အပြန်အလှန်ဆွေးနွေးခြင်းမှ တစ်ဆင့် နိုင်ငံရေးဖြေရှင်းချက်တစ်ရပ် ရှာဖွေရေးကိုသာလိုလားကြောင်း ကုလသမဂ္ဂဆိုင်ရာ တရုတ်သံအမတ်ကြီး ပြောကြား။

မေ  ၅  ■ အထွေထွေအုပ်ချုပ်ရေးဦးစီးဌာနအား ပြည်ထောင်စုအစိုးရ အဖွဲ့ရုံးဝန်ကြီးဌာနလက်အောက်မှ ပြည်ထဲရေးဝန်ကြီးဌာနလက်အောက်သို့ ပြောင်းရွှေ့။

          ■ နိုင်ငံတော်စီမံအုပ်ချုပ်ရေးကောင်စီနှင့် ဆက်စပ်ဆောင်ရွက်မှုကို ရပ်နားမည်ဖြစ်ကြောင်း ရခိုင်အမျိုးသားပါတီဥက္ကဋ္ဌ ပြောကြား။

မေ  ၇ ■ တိုက်ပွဲဖြစ်ခြင်း မဖြစ်ခြင်းထက် မည်သည့်အခြေအနေ မျိုး တွင်ဖြစ်စေ နိုင်ငံတော်  စီမံအုပ်ချုပ်ရေးကောင်စီအနေဖြင့် မြန်မာနိုင်ငံ၏ ထာဝရငြိမ်းချမ်းရေးရရှိရန် NCAအတိုင်းဆက်လက်လုပ်ဆောင်လျက်ရှိ ကြောင်း သတင်းထုတ်ပြန်ရေးအဖွဲ့ဝင် ပြောကြား။

          ■ NLD ပါတီအပါအဝင် နိုင်ငံရေးပါတီများ၏ လုပ်ကိုင် ဆောင် ရွက်မှုများသည် ဥပဒေအား မည်မျှကျော်လွန် ချိုးဖောက်ထား သည်ဆိုသည့် အပေါ်မူတည်ပြီး ပါတီများ၏အနာဂတ်ကို ဥပဒေအတိုင်းဆောင် ရွက်မည်ဟု သတင်းထုတ်ပြန်ရေးအဖွဲ့ဝင် ပြောကြား။

          ■        ဘဏ်များတွင် အပ်နှံထားသည့်ငွေများ မည်သည့်အကြောင်း နှင့်မျှ ဆုံးရှုံးရန် မရှိကြောင်း ဗဟိုဘဏ်ဒုတိယဥက္ကဋ္ဌ ပြောကြား။

မေ  ၁၀          ■  နိုင်ငံရေးအပြောင်းအလဲအခြေအနေတစ်ခုတွင် နိုင်ငံရေး ပြဿနာကို လက်နက်ကိုင်နည်းလမ်းဖြင့် အဖြေရှာရန် ကြိုးပမ်းလာသည်ကို ဝမ်းနည်းဖွယ်တွေ့မြင်နေရသဖြင့် နိုင်ငံရေးနည်းလမ်းကောင်းဖြစ်သည့် တွေ့ဆုံဆွေးနွေးခြင်းဖြင့် အဖြေရှာရန် KNU ဥက္ကဋ္ဌ သဘောထားထုတ် ပြန်။     

မေ  ၁၅ ■        မြန်မာနိုင်ငံသို့လာရောက်မည်ဆိုသည့် အာဆီယံဥက္ကဋ္ဌနှင့် အတွင်းရေးမှူးချုပ်ခရီးစဉ်ကို တရားဝင်အကြောင်းကြားလာခြင်းမရှိသေး ကြောင်း သတင်းထုတ်ပြန်ရေးအဖွဲ့ခေါင်းဆောင် ပြောကြား။

          ■  ရခိုင်ပြည်နယ်တွင် မြို့နယ်နှင့်ခရိုင် ကော်မရှင်အဖွဲ့ခွဲများ၌  NLD ပါတီက ၎င်းတို့၏ ပါတီဝင်နှင့်အမာခံအချို့ကို ထည့်သွင်းဖွဲ့စည်းစေခဲ့ဟု ပြည်ထောင်စုရွေးကောက်ပွဲကော်မရှင်သစ် ထုတ်ပြန်။

မေ  ၁၈ ■        ရွေးကောက်ပွဲကော်မရှင်အစည်းအဝေး တက်ရောက်ရေး နှင့်ပတ်သက်၍ သဘောထားကွဲလွဲသောကြောင့် ပြည်သူ့ပါတီ အထွေထွေ အတွင်းရေးမှူး အပါအဝင် ပါတီဝင်အချို့ ပါတီမှ နုတ်ထွက်။

မေ  ၂၀ ■        ကာကွယ်ရေးဦးစီးချုပ် (လေ) ဗိုလ်ချုပ်ကြီးမောင်မောင်ကျော် ဦးဆောင်သော မြန်မာ့တပ်မတော်ကိုယ်စားလှယ်အဖွဲ့ ရုရှားနိုင်ငံသို့ သွား ရောက်။

မေ  ၂၁ ■        မဲစာရင်းများ စစ်ဆေးပြီးစီးပါက ဥပဒေနှင့်မညီ ဆောင်ရွက် ခဲ့သည့် NLD ပါတီကိုဖျက်သိမ်းရန်နှင့်ဆောင်ရွက်ခဲ့သူများအား နိုင်ငံတော် သစ္စာဖောက်အဖြစ် အရေးယူရန် စဉ်းစားဆောင်ရွက်မည်ဟု UEC ဥက္ကဋ္ဌ ဦးသိန်းစိုး ပြောကြား။

မေ  ၂၅ ■        ၂၀၀၈ ဖွဲ့စည်းပုံအခြေခံဥပဒေရေးဆွဲရေးကော်မရှင် ဥက္ကဋ္ဌ တရားသူကြီးချုပ် (ငြိမ်း) ဦးအောင်တိုး ကွယ်လွန်။

မေ  ၂၆ ■        မိုးမောက်မြို့နယ်အတွင်းရှိ ကျေးရွာများတွင် တိုက်ပွဲဖော်ဆောင်ပစ်ခတ်ခြင်းများ မပြုရေးအတွက် ညှိနှိုင်းပေးရန် တိုင်းလိုင်(ရှမ်းနီ) အမျိုးသားများဖွံ့ဖြိုးတိုးတက်ရေးပါတီ တောင်းဆို။

မေ  ၂၇ ■        လက်ရှိ  နိုင်ငံရေးအကျပ်အတည်းဖြေရှင်းနိုင်ရေး ပြည်တွင်း ပြည်ပ အဖွဲ့အစည်းအားလုံးနှင့် ပူးပေါင်းကြိုးပမ်းရန် PPST ဆုံးဖြတ်။

မေ  ၃၀ ■        နိုင်ငံတော်ကာကွယ်ရေး၊ အစိုးရ၏ လုံခြုံရေးနှင့် အုပ်ချုပ်ရေး ယန္တရားများအား နှောင့်ယှက်ထိပါးတိုက်ခိုက်ချိန်မှအပ တပ်မတော်၏ စစ် ရေးဆိုင်ရာလှုပ်ရှားမှုများကို ဇွန် ၃၀ ရက်အထိ တိုးမြှင့်ရပ်ဆိုင်းကြောင်း ထုတ်ပြန်။

ဇွန်

ဇွန်  ၁  ■        သံလွင်တံတား (ချောင်းဆုံ) ဆိုင်းဘုတ်ဖွင့်လှစ်ခြင်းအခမ်း အနားသို့ နိုင်ငံတော် စီမံအုပ်ချုပ်ရေးကောင်စီဥက္ကဋ္ဌ တက်ရောက်။

ဇွန်  ၄  ■        မြန်မာနိုင်ငံသို့ရောက်ရှိနေသည့် အာဆီယံသံတမန်များနှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နေပြည် တော်တွင် တွေ့ဆုံ။

          ■        နေပြည်တော်သို့ရောက်ရှိနေသည့် အာဆီယံသံတမန်များနှင့် ပြည်ထောင်စုရွေးကောက်ပွဲကော်မရှင်ဥက္ကဋ္ဌ၊ ပြည်ထောင်စုဝန်ကြီးနှစ်ဦး သီးခြားစီတွေ့ဆုံ။

ဇွန်  ၅  ■        တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်း အောင်လှိုင်နှင့်  မြန်မာနိုင်ငံဆိုင်ရာ တရုတ်သံအမတ်ကြီး နေပြည်တော်တွင် တွေ့ဆုံ။

ဇွန်  ၉ ■        KNU အနေဖြင့် NCA မူဘောင်များအတိုင်းတိကျစွာ လိုက်နာကျင့်သုံးမည်ဖြစ်ပြီး KNLA တပ်ဖွဲ့ဝင်အားလုံးအနေဖြင့် စစ်စည်း ကမ်းနှင့်အညီ တိကျစွာလိုက်နာကြရန် KNU ထုတ်ပြန်။

ဇွန်  ၁၂ ■        NLD ပါတီအပါအဝင် ပါတီများအနေဖြင့် ဥပဒေအရ လိုက် နာရမည့်အချက်များကို ကျူးလွန်ကြောင်းတွေ့ရှိပါက ဖွဲ့စည်းပုံအခြေခံဥပဒေ ပုဒ်မ ၄၀၈ အရ နိုင်ငံရေးပါတီအဖြစ်မှ ပယ်ဖျက်ရမည်ဟု UEC အဖွဲ့ဝင် ပြောကြား။

ဇွန်  ၁၄ ■        မန္တလေး NLD တိုင်းရုံးနှင့် ချမ်းမြသာစည်မြို့နယ်ရုံးတို့ တွင် ဗုံးပေါက်ကွဲမှုဖြစ်ပွားခဲ့ပြီး လူတစ်စုက NLD တိုင်းရုံးအတွင်း ဝင်ရောက် ဖျက်ဆီးမှုများပြုလုပ်။

ဇွန်  ၁၆ ■        (၈) ကြိမ်မြောက် အာဆီယံအပေါင်း ကာကွယ်ရေးဝန်ကြီးများအစည်းအဝေးသို့ ပြည်ထောင်စုဝန်ကြီး ဗိုလ်ချုပ်ကြီးမြထွန်းဦး တက် ရောက်။

ဇွန်  ၂၂ ■        တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်း အောင်လှိုင် ရုရှားကာကွယ်ရေးဝန်ကြီးနှင့် တွေ့ဆုံဆွေးနွေးပြီး (၉) ကြိမ် မြောက် နိုင်ငံတကာလုံခြုံရေးဆိုင်ရာညီလာခံ ဖွင့်ပွဲအခမ်းအနားသို့ တက် ရောက်။

          ■        ရွေးကောက်ပွဲအား မလွဲမသွေလုပ်မည်ဖြစ်ပြီး အကြမ်းဖျင်း အားဖြင့် နှစ်နှစ်အတွင်းဖြစ်နိုင်ကြောင်း Russia 24 သတင်းဌာနနှင့် အင်တာ ဗျူးတွင် တပ်မတော်ကာကွယ်ရေးဦးစီးချုပ် ပြောကြား။

ဇွန်  ၂၄ ■        ကာကွယ်ရေးဦးစီးချုပ် (ရေ) ဗိုလ်ချုပ်ကြီးမိုးအောင် ရုရှား ရေတပ်ဦးစီးချုပ်နှင့်တွေ့ဆုံပြီး နိုင်ငံတကာရေကြောင်းဆိုင်ရာ ကာကွယ်ရေး ပြပွဲသို့ တက်ရောက်။

ဇွန်  ၃၀ ■ တပ်မတော်က စစ်ရေးဆိုင်ရာ လှုပ်ရှားမှုများကို ဇူလိုင် ၃၁ ရက်အထိ ရပ်ဆိုင်းကြောင်း ထုတ်ပြန်။