လချီကြာမြင့်ခဲ့ပြီ ဖြစ်သော အကျပ်အတည်းကို ရင်ဆိုင်နေရသည့် မာလီတွင် မြို့တော် ဘာမာကိုအနီးရှိ ကာတီစစ်စခန်းမှ စစ်သားများက ပုန်ကန်ခဲ့ကြပြီး သမ္မတနှင့်ဝန်ကြီးချုပ် အပါအဝင် အစိုးရအဖွဲ့ဝင်များကို ထိန်းသိမ်းခဲ့ပြီးနောက် ဩဂုတ် ၁၉ တွင် မာလီသမ္မတ အီဗရာဟင်ဘူဘကာကီတာက ရာထူးမှ နုတ်ထွက်ကြောင်း ကြေညာခဲ့သည်။
နိုင်ငံရေးအကျပ်အတည်း ဆိုက်ခဲ့ရပြီဖြစ်သော မာလီတွင် သွေးထွက်သံယိုဖြစ်မှုကို မလိုလားသောကြောင့် ရာထူးမှ နုတ်ထွက်ရန် ဆုံးဖြတ်ခဲ့ကြောင်း သမ္မတ ကီတာက ရုပ်သံမိန့်ခွန်းတွင် ပြောကြားခဲ့သည်။
လောလောဆယ်တွင် မာလီကို စစ်တပ်က ဦးဆောင်နေခြင်း ရှိ၊ မရှိ ရှင်းရှင်းလင်းလင်း မသိရသေးပေ။
အနောက်အာဖရိကနိုင်ငံများ၊ ကိုလိုနီဟောင်း ပြင်သစ်၊ အာဖရိကသမဂ္ဂ၊ ဥရောပသမဂ္ဂတို့က စစ်သားများ၏ လုပ်ရပ်ကို ရှုတ်ချခဲ့ပြီး ဖွဲ့စည်းပုံအခြေခံဥပဒေနှင့် မညီသော အာဏာအပြောင်းအလဲကို ဆန့်ကျင်ကြောင်း သတိပေးခဲ့သည်။
စီးပွားရေးပြိုလဲမှု၊ လုံခြုံရေး ယိုယွင်းလာမှုတို့ကြောင့် မာလီတွင် အတိုက်အခံ ဆန္ဒပြသူများက သမ္မတ ကီတာနုတ်ထွက်ရေးကို တောင်းဆိုဆန္ဒပြနေကြသည်မှာ လနှင့်ချီကြာမြင့်နေပြီ ဖြစ်သည်။
အယူအဆကွဲလွဲသော လက်နက်ကိုင်အုပ်စုများကြောင့် လူမျိုးရေးတင်းမာမှု၊ အာဏာလွန်ဆွဲမှုတို့ကြောင့် မာလီသည် ပဋိပက္ခတွင်း ကျဆင်းနေခဲ့ပြီး အိမ်နီးချင်း နိုင်ဂျာနှင့် ဘာကီနာဖာဆိုတို့ကိုပါ ပဋိပက္ခ ကူးစက်ခဲ့ကာ ဆာဟယ်ဒေသ တစ်ခုလုံးကို ကူးစက်ခဲ့ရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
