၂၀၁၈ နိုဝင်ဘာတွင် စတင်ဖွင့်လှစ်ခဲ့သည့် ရွာသာကြီး ကုန်းတွင်းဆိပ်ကမ်းနှစ်ခုမှ ၂၀၁၉ ဇန်နဝါရီကုန်အထိ မြစ်ငယ်သို့ ကုန်သေတ္တာတင်ရထားတွဲ ၁၃၂၆ တွဲဖြင့် ကုန်တန်ချိန်စုစုပေါင်း ၃၇၆၅၅ တန် တင်ပို့နိုင်ခဲ့ကြောင်း မြန်မာ့မီးရထားမှ သတင်းရရှိသည်။
ရန်ကုန်မြို့မှ မန္တလေးမြို့သို့ မီးရထားဖြင့် ကုန်သေတ္တာများ သယ်ယူပို့ဆောင်နိုင်ရန် Resources Group Logistics Co. ltd ၏ ရွာသာကြီး ကုန်းတွင်းဆိပ်ကမ်းနှင့် KM Terminal & Logistics Limited တည်ဆောက်သည့် ရန်ကုန် ကုန်းတွင်းဆိပ်ကမ်းနှစ်ခုအား ပြီးခဲ့သည့် ၂၀၁၈ ခုနှစ် နိုဝင်ဘာ ၁၁ ရက်တွင် စတင်ဖွင့်လှစ်ခဲ့သည်။
Resources Group Logistics Co. ltd သည် ကုန်းတွင်းဆိပ်ကမ်း တည်ဆောက်ရေးလုပ်ငန်းများကို ရင်းနှီးမြှုပ်နှံမှုအနေဖြင့် ရန်ကုန်ရွာသာကြီး ကုန်းတွင်းဆိပ်တွင် အမေရိကန်ဒေါ်လာ ၂၄ ဒသမ ၂၆သန်း၊ မြစ်ငယ်ကုန်းတွင်းဆိပ်တွင် အမေရိကန်ဒေါ်လာ ၂၄ ဒသမ ၇၅သန်း၊ စုစုပေါင်း ရင်းနှီးမတည်ငွေ အမေရိကန်ဒေါ်လာ ၄၉ သန်းဖြင့် လုပ်ငန်းဆောင်ရွက်ခဲ့ခြင်းဖြစ်ကြောင်း သိရသည်။
KM Terminal & Logistics Limited ၏ ကုန်းတွင်းဆိပ်ကမ်း၏ စီမံကိန်း ကုန်ကျစရိတ် အမေရိကန်ဒေါ်လာ ၅၅ သန်းအား Kerry Logistics Network Limited နှင့် Mother Logistics Co. ltd မှ နိုင်ငံခြား ရန်ပုံငွေနှင့် ရှယ်ယာရင်းနှီးမြှုပ်နှံမှုများဖြင့် ဆောင်ရွက်ခဲ့ခြင်းဖြစ်သည်။
၂၀၁၈ နိုဝင်ဘာတွင် စတင်ခဲ့သည့် KM Terminal & Logistics Limited ၏ ကုန်သေတ္တာရထား ပြေးဆွဲမှုမှာ ၂၀၁၉ ဇန်နဝါရီကုန်ထိ ရွာသာကြီး - မြစ်ငယ်ခရီးစဉ်အား အသွား - အပြန် စုစုပေါင်း ကုန်သေတ္တာရထားတွဲ ၁၉၈ တွဲဖြင့် ခေါက်ရေ ၁၈ ခေါက် ပြေးဆွဲနိုင်ခဲ့ပြီး ကုန်တန်ချိန်အားဖြင့် ၅၉၉၄ တန် သယ်ဆောင်တင်ပို့နိုင်ခဲ့ကြောင်း သိရသည်။ မြစ်ငယ် - ရွာသာကြီးခရီးစဉ်ကိုမူ အသွား - အပြန် စုစုပေါင်း ကုန်သေတ္တာရထားတွဲ ၉၉ တွဲဖြင့် ခေါက်ရေ ကိုးခေါက် ပြေးဆွဲနိုင်ခဲ့ပြီး ကုန်တန်ချိန်အားဖြင့် ၃၁၅၂ တန် သယ်ဆောင် တင်ပို့နိုင်ခဲ့ကြောင်း သိရသည်။
၂၀၁၈ခုနှစ် ဧပြီတွင်စတင်ခဲ့သည့် KM Terminal & Logistics Limited မှ ၂၀၁၉ ဇန်နဝါရီကုန်ထိ ရွာသာကြီး - မြစ်ငယ်ခရီးစဉ်အား အသွား - အပြန် စုစုပေါင်း ကုန်သေတ္တာရထားတွဲ ၆၈၂ တွဲဖြင့် ခေါက်ရေ ၄၂ ခေါက် ပြေးဆွဲနိုင်ခဲ့ပြီး ကုန်တန်ချိန်အားဖြင့် ၁၈၈၆၉ တန် တင်ပို့နိုင်ခဲ့ကြောင်း သိရသည်။
မြစ်ငယ် - ရွာသာကြီးခရီးစဉ်ကိုမူ အသွား - အပြန် စုစုပေါင်း ကုန်သေတ္တာရထားတွဲ ၃၄၇ တွဲဖြင့် ခေါက်ရေ ၂၁ ခေါက် ပြေးဆွဲနိုင်ခဲ့ပြီး ကုန်တန်ချိန်အားဖြင့် ၉၆၄၀ တန် တင်ပို့နိုင်ခဲ့ကြောင်း သိရသည်။
လက်ရှိတွင် ရန်ကုန်တိုင်းဒေသကြီး ရွာသာကြီးနှင့် မန္တလေးတိုင်းဒေသကြီး မြစ်ငယ်တွင် ကုန်းတွင်းဆိပ်ကမ်းများဖွင့် လှစ်ထားပြီး Dry Port များ ဆက်လက်တည်ဆောက်ရန် နေရာခုနှစ်ရာအား ထပ်မံအဆိုပြုထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
