ရန်ကုန်တိုင်းဒေသကြီး သာကေတမြို့နယ် မြင်တော်သာလမ်းပေါ်တွင် ယနေ့ (ဖေဖော်ဝါရီ ၂၇ ရက်) ညပိုင်းက ရုပ်ရှင်ဆန်ဆန် ယာဉ်တိုက်မှု တစ်ခုဖြစ်ပွားခဲ့ကြောင်း သိရသည်။
သာကေတမြို့နယ် ၅ ရပ်ကွက် ရုပ်ရှင်ရုံ မှတ်တိုင်အနီးတွင် သံချောင်းများ တင်ဆောင်လာသောယာဉ်က အခြားယာဉ်လေးစီးအား ဆင့်တိုက်မှု ဖြစ်ပွားခဲ့ခြင်းဖြစ်ကြောင်း အခင်းဖြစ်စဉ်အနီးတွင် နေထိုင်သူများက ပြောကြားသည်။
ဖြစ်စဉ်မှာ ဖေဖော်ဝါရီ ၂၇ ရက် ည ၁၀ နာရီခန့်က ဖြစ်ပွားခဲ့ခြင်းဖြစ်ပြီး ဒဏ်ရာရရှိသူ သုံးဦးခန့်ရှိကြောင်း မျက်မြင်တွေ့ရှိသူများက ပြောကြားသည်။
အခြားယာဉ်လေးစီးအား ဝင်တိုက်ခဲ့သည့်ယာဉ်မှာ သာကေတမြို့နယ် မြင်တော်သာလမ်းတွင် ယာဉ်တိုက်မှုကို ဆက်တိုက် ကျူးလွန်ခဲ့ခြင်း ဖြစ်သည်။
"အဲဒီယာဉ်က ကျောင်းကွေ့မှတ်တိုင်မှာလည်း တက်စီကို ဝင်တိုက်တာ။ အဲဒီကနေ ထွက်ပြေးလာတာ။ ဒီ (ရုပ်ရှင်ရုံ မှတ်တိုင်) နားလည်း ရောက်ရော နောက်ထပ် သုံးစီးကို ထပ်တိုက်တာ။ ဒီလမ်းတောက်လျှောက် ယာဉ်တိုက်မှုတွေ ဖြစ်လာတာ” ဟု မျက်မြင်တွေ့ရှိသူ တစ်ဦးက ပြောကြားသည်။
အဆိုပါ ယာဉ်တိုက်မှု ကျုးလွန်ခဲ့သည့်ယာဉ်မှ ယာဉ်မောင်းအား ရုပ်ရှင်ရုံမှတ်တိုင်တွင် ဖမ်းဆီးရမိခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
