ရန်ကုန်ပြည်သူ့ဆေးရုံကြီးဝင်းအတွင်း အသစ်ဆောက်လုပ်နေသည့် အဆင့်မြင့်ခုနစ်ထပ်ဆောင်တွင် သွေးနှင့် သွေးကင်ဆာရောဂါကုသဆောင်၊ ရိုးတွင်းချဉ်ဆီ အစားထိုးကုသဆောင်ကို ထည့်သွင်းမည်ဖြစ်ကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းက ပြောကြားသည်။
ဆောက်လုပ်လျက်ရှိသည့် ခုနစ်ထပ်ဆောင်တွင် ပုံမှန်ဆေးကုသဆောင်များအပြင် သွေးနှင့် သွေးကင်ဆာရောဂါလူနာများ ဆေးကုသမှုခံယူနိုင်ရန်အတွက် သွေးနှင့် သွေးကင် ဆာရောဂါကုသဆောင်၊ ရိုးတွင်းချဉ်ဆီ အစားထိုးကုသဆောင်ကို ထည့်သွင်းစီစဉ်သွားမည်ဖြစ်ကြောင်း၊ သင်ကြားရေးဆေးရုံဖြစ်သည့် အတွက် စာသင်ခန်းများကိုလည်း အရည်အသွေးပြည့်မီအောင် ဆောက်လုပ်သွားရန် လိုအပ်ကြောင်း၊ သက်ဆိုင်ရာပါမောက္ခ/ဌာနမှူးများအနေဖြင့် အဆောက်အဦအထူးအဖွဲ့မှ တာဝန်ရှိသူများနှင့် ပူးပေါင်း၍ အကြံဉာဏ်ပေးစေလိုကြောင်း၊ အဆောက်အဦ တည်ဆောက်မှုလုပ်ငန်း မြန်မြန်ပြီးစီးပါက ပြည်သူများအတွက် မြန်မြန်အကျိုးရှိမည်ဖြစ်သည့်အတွက် သတ်မှတ်ချိန်အတွင်း အချိန်မီပြီးစီးအောင် ကြိုးစားဆောင်ရွက်ကြစေလိုကြောင်း ၎င်းက ဆက်လက်ပြောကြားသည်။
ရန်ကုန်ပြည်သူ့ဆေးရုံကြီးသည် မြန်မာတစ်နိုင်ငံလုံးက ပြည်သူများ အားကိုးအားထားရသည့် ဆေးရုံကြီးဖြစ်ကြောင်း၊ ထို့ကြောင့် ယခုဆောက်လုပ်လျက်ရှိသည့် အဆင့်မြင့်(၇)ထပ်ဆောင်ကို အရည်အသွေးအကောင်းဆုံးဖြစ်အောင် ဆောက်လုပ်ရမည်ဖြစ်ကြောင်း၊ လုပ်ငန်းများအားလုံးကို စံကိုက် အရည်အသွေးပြည့်မီအောင် တာဝန်ရှိသူအဆင့်ဆင့်က ကြီးကြပ်သွားရန်လိုကြောင်း၊ သို့မှသာ ပြည်သူလူထုအနေဖြင့် စိတ်အေးချမ်းသာစွာဖြင့် ကျန်းမာရေးစောင့်ရှောက်မှုခံယူနိုင်မည်ဖြစ်ပြီး ကျန်းမာရေးဝန်ထမ်းများကလည်း အရည်အသွေးပြည့်ဝသည့် ကျန်းမာရေးစောင့်ရှောက်မှုပေးနိုင်မည်ဖြစ်ကြောင်း ပြည်ထောင်စုဝန်ကြီးက ဆက်လက်ပြောကြားသည်။
ရန်ကုန်ပြည်သူ့ဆေးရုံကြီး အဆင့်မြင့် (၇)ထပ်ဆောင်ကို အစိုးရမှ ကျပ် ၂၁ ဒသမ ၈၉ရဘီလျံ အကုန်ကျခံ ဆောက်လုပ်ပေးလျက်ရှိကာ ၂၀၂၃-၂၄ ဘဏ္ဍာနှစ်တွင် ဆောက်လုပ်ပြီးစီးမည်ဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
