မွန်ပြည်နယ်၊ ကျိုက်မရောမြို့နယ် ချောင်းနှစ်ခွကျေးရွာတွင် ဇူလိုင်လ ၂ ရက် နံနက်ပိုင်းက ပစ်ခတ်တိုက်ခိုက်မှုများဖြစ်ပွားခဲ့ပြီး ဒေသခံတစ်ဦး သေဆုံးခဲ့ကြောင်း ဒေသခံများ၏ ပြောကြားချက်များအရ သိရသည်။
ယမန်နေ့ ဇူလိုင် ၂ ရက် နံနက်ပိုင်းက ချောင်းနှစ်ခွကျေးရွာရှိ အတ္ထရုံတံတား (ချောင်းနှစ်ခွ) လုံခြုံရေးဂိတ်ဘက်မှ ပစ်ခတ်သံများကြားခဲ့ရကြောင်း၊ ထို့နောက် နံနက် ၁၁ နာရီအချိန်ခန့်တွင် ချောင်းနှစ်ခွဒေသခံတစ်ဦးဖြစ်သူ အသက် ၂၃ နှစ်အရွယ် ကိုငြိမ်းချမ်းဆိုသူမှာ သေနတ်ဖြင့် ပစ်ခတ်ခံခဲ့ရခြင်းဖြစ်ကြောင်း ဒေသခံတစ်ဦးက ပြောကြားသည်။
၎င်းက ဆက်လက်ပြီး “မနက်ပိုင်းမှာ သေနတ်သံတွေ ငြိမ်သွားတော့ ကိုငြိမ်းချမ်းက ခြံထဲသွားဖို့ ဆိုင်ကယ်နဲ့ ထွက်သွားတာ၊ တံတားက ပိတ်ထားတော့ ရွာဘက်ကို ပြန်လှည့်လာတဲ့အချိန်မှာ သေနတ်နဲ့ ပစ်ခတ်ခံခဲ့ရတာလို့ သိရတယ်။ ရင်ဘတ်မှာ သေနတ်ဒဏ်ရာနဲ့ သေဆုံးခဲ့တာလို့ သိရပါတယ်။ အဲ့ဒီနောက်မှာ ဒရုန်းတွေနဲ့ ဗုံးလာချလို့ ပေါက်ကွဲသံ ၃ ကြိမ်လောက်ကြားရတယ်။ ထိခိုက်မှုအခြေအနေတော့ မသိရသေးဘူး” ဟု ပြောကြားသည်။
သေနတ်ဖြင့် ပစ်ခတ်ခံရပြီး သေဆုံးခဲ့သည့် ကိုငြိမ်းချမ်း၏ ရုပ်အလောင်းအား ယနေ့ ဇူလိုင်လ ၃ ရက်တွင် သင်္ဂြိုဟ်သွားမည်ဖြစ်ကြောင်း ဒေသခံများ၏ ပြောကြားချက်များအရ သိရသည်။
ထို့နောက် ချောင်းနှစ်ကျေးရွာရှိ ချောင်းနှစ်ခွနယ်မြေရဲစခန်းနှင့် ချောင်းနှစ်ခွတံတားရှိ လုံခြုံရေးဂိတ်တို့အား Saw Dragon Drone Force နှင့် Lion Battalion Commando - ဗျူဟာစစ်ကြောင်းတို့မှ ပူးပေါင်းကာ Drop Bomb ချ တိုက်ခိုက်ခဲ့ခြင်းဖြစ်ကြောင်း Saw Dragon Drone Force အဖွဲ့၏ ၎င်းတို့ အသုံးပြုသည့် လူမှုကွန်ရက်စာမျက်နှာပေါ် ထုတ်ပြန်ချက်အရ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
