မြန်မာ့လက်ရွေးစင် တိုက်စစ်မှူး အောင်ကောင်းမာန်သည် ထိုင်းလိဂ်-၂ ကလပ် ဖရေးယူနိုက်တက်အသင်းသို့ ပြောင်းရွှေ့သွားပြီဖြစ်ကြောင်း သိရသည်။
ဖရေးယူနိုက်တက်အသင်းသည် အောင်ကောင်းမာန်ကို ခေါ်ယူနိုင်ခဲ့ကြောင်း ဇန်နဝါရီ ၃ ရက်တွင် တရားဝင်သတင်းထုတ်ပြန်ခဲ့ပြီး အောင်ကောင်းမာန်အနေဖြင့် ယင်းနေ့မှာပင် အသင်းနှင့် လေ့ကျင့်မှု စတင်ပြုလုပ်ခဲ့သည်။ အောင်ကောင်းမာန်သည် ၁၁ သင်း မြောက် ပြည်ပကလပ်အသင်းအဖြစ် ဖရေးယူနိုက်တက်အသင်းသို့ ပြောင်းရွှေ့ခဲ့ခြင်းဖြစ်ပြီး မလေးရှားကလပ် ကီလန်တန်အသင်းမှ ပြောင်းရွှေ့လာခြင်းဖြစ်သည်။
အောင်ကောင်း မာန်သည် ပရော်ဖက်ရှင်နယ်ကစားသမားဘဝကို မြန်မာနေရှင်နယ်လိဂ်ကလပ် ဧရာဝတီယူနိုက်တက်အသင်းတွင် စတင်ခဲ့ပြီးနောက် ၂၀၂၀ ပြည့်နှစ်မှစတင်ကာ ပြည်ပကလပ်အသင်းများသို့ ပြောင်းရွှေ့ခဲ့ခြင်းဖြစ်သည်။ အောင်ကောင်းမာန်သည် ငါးနှစ်ဝန်းကျင်ကာလအတွင်း ပြည်ပကလပ် ၁၁ သင်း အထိ ပြောင်းရွှေ့ခဲ့ပြီး ထိုင်းကလပ်များဖြစ်သည့် ထရတ်အသင်း၊ လမ်ပန်အသင်း၊ အူဒုံထာနီအသင်း၊ ခွန်ကန်ယူနိုက်တက်အသင်း၊ အူထိုင်းထာနီအသင်း၊ ချောင်ဘူရီအသင်း၊ ကာစတမ်ယူနိုက်တက်အသင်း၊ နာခွန်ရတ်ချာစီမာအသင်း၊ မလေးရှားကလပ် ဆရီပါဟန်းအသင်း၊ ကီလန်တန်အသင်းတို့တွင် ကစားခဲ့ခြင်းဖြစ်သည်။
အောင်ကောင်းမာန် သည် ချောင်ဘူရီအသင်းတွင်သာ တစ်ပွဲမှ မကစားရဘဲ အခြားအသင်းများသို့ အငှားချခဲ့ခြင်းဖြစ်သည်။ အောင်ကောင်းမာန်သည် ဖရေးယူနိုက်တက်အသင်းတွင် ကျောနံပါတ် ၁၆ ဝတ်ဆင် ကစားမည်ဖြစ်သည်။ ဖရေးယူနိုက်တက် အသင်းတွင် လက်ရွေးစင်ဟောင်း တိုက်စစ်မှူး ကျော်ကိုကို ကစားခဲ့ဖူးသည့်အသင်းဖြစ်ပြီး မြန်မာတိုက်စစ်မှူးတစ်ဦးကို ဒုတိယအကြိမ် ခေါ်ယူခဲ့ခြင်းဖြစ်သည်။
ဖရေးယူနိုက် တက်အသင်းသည် ယခုရာသီတွင် ထိုင်းလိဂ် -၂ ၌ ပါဝင်ကစားနေပြီး ပထမအကျော့အပြီးတွင် ရာသီဝက်ချန်ပီယံအဖြစ် ရပ်တည်နေသည်။ ဖရေးယူနိုက်တက်အသင်းသည် လာမည့်ရာသီတွင် ထိုင်းလိဂ်-၁ သို့ တန်းပြန်တက်ခွင့်ရရန် ကြိုးပမ်းနေပြီး ရာသီဝက်တွင် ကစားသမားသစ်များ အားဖြည့်ခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
