Top News

တာမွေမြို့နယ်တွင် အမျိုးသားတစ်ဦး သေနတ်ဖြင့် ပစ်ခံရသဖြင့် သေဆုံး

24htopnews | January 6, 2025 6:12 AM CST

တာမွေမြို့နယ်တွင် အမျိုးသားတစ်ဉီး သေနတ်ဖြင့် ပစ်ခတ်ခံရသဖြင့် သေဆုံးမှု မတ် ၂၀ ရက် မွန်းလွဲပိုင်းက ဖြစ်ပွားခဲ့သည်။

မတ် ၂၀ ရက် နံနက်ပိုင်းမှ စတင်ကာ လုံခြုံရေး တပ်ဖွဲ့က တာမွေမြို့နယ်အတွင်းရှိ ရပ်ကွက်အချို့တွင် ပစ်ခတ်မှုများ ရှိခဲ့ပြီး မွန်းလွဲ ၁ နာရီကျော်ခန့်၌ ကျောက်ရေတွင်းလမ်းနှင့် မြို့သစ် (၂)လမ်းထောင့် တွင် အသက် ၂ဝ ကျော်အရွယ် အမျိုးသားတစ်ဦးမှာ ပစ်ခတ်ခံရမှုအတွင်း ဉီးခေါင်း ကျည်ထိမှန် သေဆုံးခဲ့ရသည်။

သေဆုံးသူ အမျိုးသားမှာ ဆန္ဒထုတ်ဖော်စဉ် ပစ်ခတ်ခံရခြင်းဖြစ်ကြောင်း အခင်းဖြစ်ရာအနီး နေသူများ ပြောကြားချက်အရ သိရ သည်။

သေဆုံးသူ အမျိုးသား မှာ မင်္ဂလာတောင်ညွန့်မြို့နယ် ပုသိမ်ညွန့်ရပ်ကွက်ရှိ အဆောင်တွင် သူငယ်ချင်းများနှင့်အတူ နေထိုင်သူဖြစ်ကြောင်း သိရပြီး ၄င်း၏ မိဘများမှာ မင်္ဂလာဒုံမြို့တွင် နေထိုင်ကြကြောင်း သိရသည်။