ကချင်ပြည်နယ် မြစ်ကြီးနားမြို့တွင် နေ့ခင်းဘက်၌ပင် အုပ်စုလိုက်လုယက်မှုများရှိလာကြောင်း မြင်တွေ့ခဲ့သူများ၏ ပြောကြားချက်အရ သိရသည်။
ပြီးခဲ့သည့် ၂၀၂၄ ခုနှစ် ဒီဇင်ဘာလနောက်ဆုံးပတ်က မြစ်ကြီးနားမြို့ ကြက်ပေါင်ခြံရပ်ကွက် ဂေါက်ကွင်းအလွန်တွင် အမျိုးသမီးငယ်တစ်ဦး စီးနင်းလာသည့်ဆိုင်ကယ်ကို အမျိုးသားခုနစ်ဦးခန့်ပါဝင်သည့် အဖွဲ့က နေ့လယ်ပိုင်းတွင် လမ်းပေါ်၌လုယက်သွားကြောင်း မြင်တွေ့ခဲ့သည့် လက်သမားဆရာတစ်ဦးက ပြောကြားသည်။
“ပေါ်တင်ပဲ လမ်းပိတ်ပြီးလုသွားတာ။ ဓားမြှောင်လောက်တော့ပါမှာပေါ့။ မိန်းကလေးက ကြောက်ပြီးငိုပြီး ကျန်ရစ်တယ်။ လူအုပ်များတော့ ကျွန်တော်တို့လည်း သွားမပြောရဲဘူး။ အိမ်တွေမှာ လူမရှိရင် ရေမော်တာစက်တွေပျောက်၊ ပစ္စည်းတွေပျောက်က ရပ်ကွက်တိုင်းဖြစ်နေတာ”ဟု အဆိုပါလက်သမားဆရာ က ဆိုသည်။
၂၀၂၅ ခုနှစ် ဇန်နဝါရီ ၃ ရက်ကလည်း အမျိုးသားတစ်ဦးသည် ကြက်ပေါင်ခြံရပ်ကွက်မှ ဂျာမိုင်ကောင်းရပ်ကွက်ရှိ အမျိုးတစ်ဦး၏အိမ်သို့သွားချိန် လမ်းသွယ် ၂၄ အရောက်တွင်
အမျိုးသားသုံးဦးက ဆိုင်ကယ်တစ်စီးဖြင့် ရှေ့မှပိတ်ရပ်ကာ ဓားထောက်ပြီး ဆိုင်ကယ်နှင့်ငွေနှစ်သိန်းကျော်ကို လုယက်သွားကြောင်း လုယက်ခံရသူ၏ဆွေမျိုးတစ်ဦးက ပြောကြားသည်။
“ဖြစ်တာက ညပေါ့။ ၈ နာရီလောက်ဖြစ်မယ်။ ဆိုင်ကယ်ကသူများဆီက ငှားလာတဲ့ ဘက်ထရီဆိုင်ကယ်ပါ။ ဝယ်ထားတာလည်း နှစ်ရက်လောက်ရှိသေးတယ်။ ဘယ်လိုရှင်းကြမယ်မသိဘူး။ ဘက်ထရီဘီးကလည်း သိန်း ၆၀ လောက် စျေးပေါက်နေတာ”ဟု က ပြောကြားသည်။
၂၀၂၃ နှင့် ၂၀၂၄ ခုနှစ်အတွင်း ကချင်ပြည်နယ်တွင် ဖားကန့်၊ မိုးညှင်း၊ ဝိုင်းမော်၊ဗန်းမော်မြို့များတွင် ဓားပြတိုက်မှုများ ဖြစ်ပွားခဲ့ပြီး ဖားကန့်ဒေသတွင် ရွှေဆိုင်ဓားပြတိုက်မှု ငါးမှုထက်မနည်းဖြစ်ပွားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
