အာဆီယံသည် ၂၀၃၀ ပြည့်နှစ်တွင် ကမ္ဘာ့စတုတ္ထ စီးပွားရေးအင်အားအကြီးဆုံး အစုအဖွဲ့ဖြစ်လာမည်ဟု အာဆီယံ စီးပွားရေး အသိုင်းအဝိုင်း လက်ထောက် အတွင်းရေးမှူးချုပ် Satvinder Singh က ဇန်နဝါရီ ၈ ရက်က မလေးရှားတွင်ပြုလုပ်သည့် ASEAN Economic Opinion Leaders ကွန်ဖရင့်တွင် ပြောကြားခဲ့သည်။
မလေးရှား ရင်းနှီးမြှုပ်နှံမှု၊ ကုန်သွယ်ရေးနှင့် စက်မှုရေးရာဝန်ကြီးဌာန (Miti) က ဦးစီးကျင်းပသည့် ယင်းပွဲအခမ်းအနားတွင် ကော်ပိုရိတ်လုပ်ငန်းများ၊ ကျွမ်းကျင်ပညာရှင်များအဖွဲ့နှင့် မီဒီယာခေါင်းဆောင်များ တက်ရောက်ကြမည်ဖြစ်သည်။
ထို့ပြင် ယနေ့ ပြုလုပ်ခဲ့သော အခမ်းအနား၌ မလေးရှား ရင်းနှီးမြှုပ်နှံမှု၊ ကုန်သွယ်ရေးနှင့် စက်မှုရေးရာဝန်ကြီးဌာန ဒုဝန်ကြီး Liew Chin Tong ကတက်ရောက် အဖွင့်မိန့်ခွန်းပြောကြားခဲ့ပြီး ဝန်ကြီး Zafrul Tengku Abdul Aziz ကလည်း အပိတ်မိန့်ခွန်း ပြောကြားခဲ့သည်။
ASEAN Economic Opinion Leaders Conference တွင် Eleven Media Group ၏ အမှုဆောင်ဒါရိုက်တာ ကိုမင်းသော်ထွဋ်လည်း ပါဝင်တက်ရောက်ဆွေးနွေးခဲ့ကြောင်းလည်းသိရသည်။
ထိုပွဲသည် မလေးရှားနိုင်ငံက အာဆီယံအလှည့်ကျဥက္ကဋ္ဌနေရာကို စတင်ရယူခဲ့ပြီးနောက် ပထမဆုံးကျင်းပသည့် ပွဲအခမ်းအနားတစ်ခု ဖြစ်သည်။
လက်ရှိတွင် အာဆီယံသည် ကမ္ဘာ့ ပ ဉ္စမ စီးပွားရေးအင်အားအကြီးဆုံး အစုအဖွဲ့ဖြစ်နေပြီး ၂၀၃၀ ပြည့်နှစ်တွင် ကမ္ဘာ့ စတုတ္ထစီးပွားရေးအင်အားအကြီးဆုံး ဖြစ်လာနိုင်ကြောင်း အာဆီယံ စီးပွားရေး အသိုင်းအဝိုင်း လက်ထောက် အတွင်းရေးမှူးချုပ် Satvinder Singh က ပြောကြားခဲ့သည်။
"ကျွန်တော်တို့ကို လွှမ်းမိုးဖို့အတွက် မရေရာတဲ့ လေလုံးထွားပြောဆိုမှုတွေကို ခွင့်မပြုနိုင်ပါဘူး။ ကျွန်တော်တို့အနေနဲ့ အာဆီယံဟာ မှန်ကန်တဲ့အရာတွေကိုလုပ်နေတယ်ဆိုတာကို ဖော်ပြဖို့အတွက် သေသေချာချာ ကြိုးပမ်းလုပ်ဆောင်သွားရမှာပါ " ဟု Satvinder က ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
