အသက် နှစ်နှစ်မှ ၁၈ နှစ်အတွင်းရှိ မသန်စွမ်းကလေးငယ်များကို တစ်လလျှင် ကျပ် ၄၂၀၀၀ နှုန်းထောက်ပံ့မည်ဟု Unicef Myanmar က ကြေညာသည်။
မသန်စွမ်းမှုပြင်းထန်နှင့် အလွန်ပြင်းထန်အဆင့်ရှိကြောင်း စိစစ်အတည်ပြုချက်ရရှိထားပြီးသော အသက် နှစ်နှစ်မှ ၁၈ နှစ်အရွယ်ရှိ မသန်စွမ်းကလေးငယ်၊ ထောက်ပံ့မှုအစီအစဉ်တွင် ပါဝင်ကြောင်း ဖုန်းဖြင့်ဆက်သွယ်အကြောင်းကြားမှု ရရှိထားပြီးသူဖြစ်ရမည်ဖြစ်ကြောင်း၊ ထောက်ပ့ံမှုအစီအစဉ်မှာ တစ်လ လျှင် ၄၂၀၀၀ ကျပ်နှုန်းဖြစ်ကာ နှစ်လတစ်ကြိမ် Wave Money မှတစ်ဆင့် အကျိုးခံစားခွင့်ရရှိသူထံ တိုက်ရိုက်ထောက်ပံ့ပေးမည်ဖြစ်ကြောင်း၊ အတူနေမိသားစုတွင် အများဆုံးသုံးဦးအထိသာ ထောက်ပ့ံမည်ဖြစ်ကြောင်း ယူနီဆက်က ဆိုသည်။
သတ်မှတ်ချက်နှင့် မကိုက်ညီသည့် အခြေအနေများမှာ အကျိုးခံစားခွင့်ရှိသူကဏ္ဍတွင် ဖော်ပြထားသော သတ်မှတ်ချက်နှင့် ကိုက်ညီသူမဟုတ်ခြင်း၊ မသန်စွမ်းကလေးသည် မိသားစုနှင့် နေထိုင်မှုမရှိခြင်း၊ အကျိုးခံစားခွင့်ရှိသူ မသန်စွမ်းကလေးငယ်သည် သတ်မှတ်ဒေသ၏ ပြင်ပသို့ ကာလရှည်ပြောင်းရွှေ့သွားခြင်း၊ သေဆုံးသွားခြင်း၊ ကနဦးစိစစ်မှုအရ မသန်စွမ်းကလေးဖြစ်သော်လည်း နောက်တကြိမ်စိစစ်စစ်ဆေးမှုတွင် မသန်စွမ်းမှုမရှိတော့ခြင်း၊ ပပျောက်သွားခြင်း၊ စာရင်းသွင်းထားသည့် အချက်အလက်များကို မှန်ကန်စွာအတည်မပြုနိုင်ခြင်း အစရှိသည့်အခြေအနေများဖြစ်သည်ဟု ယူနီဆက်ဖ်က ကြေညာသည်။
ထောက်ပံ့ငွေကို မသန်စွမ်းကလေးငယ်များအတွက် အစားအစာများဝယ်ယူခြင်း၊ နေထိုင်မကောင်းဖြစ်ပါက ဆေးခန်းပြခြင်း၊ တကိုယ်ရေသန့်ရှင်းရေးအတွက် အသုံးပြုခြင်း၊ မသန်စွမ်းအထောက်အကူပြုနည်းပညာ ပစ္စည်းများ ဝယ်ယူခြင်း၊ ပြန်လည်ထူထောင်ရေးလုပ်ငန်းများ၊ ပညာရေး အစရှိသည့်နေရာ များ၌အသုံးပြုရမည်ဖြစ်ကြောင်းသိရသည်။
ထောက်ပံ့ကြေးပေးအပ်ရခြင်းမှာ မသန်စွမ်းကလေးအတွက် မိသားစုများက လုံလောက်သောပြုစုမှု၊ စောင့်ရှောက်မှုနှင့် ပ့ံပိုးမှုများရရှိအောင်၊ မိသားစုဝင်ငွေဖြည့်စွက်ပေးရေး ဘက်စုံသုံး သတ်မှတ်ချက်မထားရှိသော ထောက်ပံ့ငွေပေးအပ်သည့်အစီအမံကို မိသားစုများအနေဖြင့် လူ့အဖွဲ့အစည်းအတွင်း ပါဝင်မှုရှိရေးတို့အတွက် ထောက်ပံ့ခြင်းဖြစ်ကြောင်း၊ အရေးပေါ်ဖုန်းများဖြစ်သည့် ၀၉-၈၈၀၉၁၉၂ ၁၁၊ ၀၉-၈၈၀၉၁၉၂ ၁၂၊ ၀၉-၈၈၀၉၁၉၂၁၃ ဖုန်းများသို့ ဆက်သွယ်မေးမြန်းနိုင်ကြောင်း ယူနီဆက်ဖ်က ထုတ်ပြန်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
